狄娜豪氣不減一世要做皇帝
「奇女子」狄娜日前病逝，終年六十五歲。陪伴狄娜最後四十八小時的助理伍小姐透露，狄娜臨終前精神不錯，在病床上談笑風生，邊飲木瓜魚湯，邊戙高腳笑說：「我一世都要做皇帝！」盡顯女中豪傑風範。
狄娜充滿傳奇，臨終前依然豪氣地揚言一世都要做皇帝。
追隨狄娜三十年的助理伍小姐，昨透露於狄娜病逝前兩日，她帶了對方最愛的木瓜魚湯到醫院探望，期間狄娜精神奕奕，並親自坐起飲了兩大碗湯，談笑風生，又大談往事，不時提起多位好友。
回光返照
當時狄娜坐着邊飲湯邊戙高腳，伍小姐取笑她坐姿似韓劇《女人天下》中王后一角，狄娜聞言即笑說：「我一世都要做皇帝！」據伍小姐透露，在病床上的狄娜，還有精神為其四月出版的新書《電影——我的荒謬》作校對，還希望可看到出書當天的反應。
無奈當日情況卻如回光返照，兩日後狄娜病情急轉直下，終告不治，不僅伍小姐感驚訝，就連狄娜愛子馬天如也難以接受，在飯桌上看到媽媽的死訊記者會，不禁落淚。伍小姐說：「狄娜過身後，四月一日召開記者會宣布死訊，當晚我亦有同天如食飯，感受到佢傷心嘅心情，當佢睇到個記者會片段時仲傷心到喊，而天如女友亦在場，體貼咁照顧佢，不過佢女友心情都好差。」
問到狄娜的身後事，伍小姐表示會由天如及狄娜秘書負責。由於近日是公眾假期，他們仍未為狄娜取得死亡證，稍後才排期殮葬，因狄娜生前怕蛇蟲鼠蟻，故未必會採用土葬。而狄娜愛靚人所共知，其病至僅九十多磅的遺容不想公開亦可以理解。
至於狄娜會用何種宗教舉殯？伍小姐說：「狄娜小學時係信天主教，不過之後她跟媽咪拜神，唔清楚佢咩宗教，所以咩形式舉殯要由天如決定，其實，狄娜係個好有安排嘅人，佢從來都唔忌諱講身後事，佢話人點都會死，唔想死嘅時候措手不及，所以佢一早為自己揀咗遺照，平安紙亦一早寫咗，啲生意會交由天如打理。」
去年六月，狄娜第一次手術後出院在家中留影。
叫「新抱仔」
此外，伍小姐透露狄娜在醫院時，曾以「新抱仔」稱呼天如女友，問到伍小姐，天如會否與女友結婚，完成狄娜「心願」？她說：「唔知，香港未可以接受同性結婚，以我接觸嘅天如好細心、好識照顧人，而佢亦有好man嘅一面，佢女友就好嬌嗲，佢哋感覺上同正常夫妻冇分別。」
此外，無綫生活台昨晚重播狄娜《志雲飯局》之訪問，說到愛情觀，狄娜坦言自己無暇顧及兩個人之間的愛情，因為她有部分時間已放了給社會和國家。
楊思琦贊同愛狗愛到底
狄娜兒子馬天如雖然對母親離世感萬分哀痛，但仍不忘照顧家中愛犬。同樣愛狗的楊思琦，對於馬天如此舉十分認同，她說：「呢啲都係人之常情，狗仔由細接觸到大有感情，養小動物係一生一世嘅事，唔係話唔開心就可以唔理囉。」思琦又表示她對狄娜姐姐認識不深，但知道她很有才華、很出眾，她說：「所以我對佢嘅離世都覺得好惋惜。」
身為愛狗之人的楊思琦，當然支持所有主人愛錫狗隻。（資料圖片）
另一「狗癡」廖碧兒亦說：「雖然馬天如媽咪過咗身，但佢可能唔識同其他人講自己有幾傷心。其實動物都係人類嘅朋友，同佢哋傾偈都會有反應，有時佢哋一個動作，對人都可以起到治療同安慰嘅作用。我覺得狄娜真係一個奇女子，唔會有第二個可以代替到佢。生命唔在乎長短，雖然佢65歲去世，但相信佢已經做到佢想做嘅嘢，都算係足夠。」
廖碧兒
否認偷拍全裸戲各執一詞
狄娜於遺作自爆當年被導演李翰祥出賣，才於《大軍閥》作全裸露點演出！雖然她與李翰祥已歸塵土，但操刀《大》片攝影師林華超卻堅稱沒有偷拍，成為「狄娜全裸風波」的其中一位重要證人！
狄娜在書中《電影—我的荒謬》中自爆，當年拍攝《大軍閥》的全裸鏡頭是被導演李翰祥出賣，還描述李暗放鏡頭，施計拍下她背部全裸，違背隔着紗布拍攝的承諾。隨着李翰祥與狄娜相繼逝世，究竟狄娜是否被出賣，似成千古懸案。不過李翰祥的御用攝影師林華超，亦是當年《大》片的攝影師接受本報專訪時，卻為李翰祥解畫，否認偷拍一事。
對於當年那段極具爭議性的床戲是否偷拍？林華超斬釘截鐵地說：「根本冇偷拍，當年都冇針孔鏡頭，只係用32度菲林，由一部機拍攝，《大》片係我用大機拍攝，拍攝時李導演就坐另一邊，有叫人清場，但亦有工作人員留低睇！」他又憶述當年的拍攝情況：「李導演當時親自上床試位，然後狄娜上床埋位，狄娜仲問得未，佢話OK就可以拍喇！」
對於狄娜全裸一事，林華超說：「當時佢上身係有露點，但當時拍攝有尺度，下身鏡頭就要遷就，我記得當時係用平光世界光嚟拍，我要再三強調冇人偷拍！《大》片拍咗片30日，換咗十個景，狄娜一氣呵成！當時菲林要去黑房沖印後第二日先有得睇，但狄娜從來冇催促過要睇片，對導演好信任！」
談到狄娜在書中自爆被出賣？林華超說：「可能佢被人利用作宣傳，我都好明白呢行！佢都明白食得鹹魚抵得渴，可能做吓話題啫！」他續說：「當年拍完呢個鏡頭用咗400呎菲林，一Take過搞掂，狄娜全程冇埋怨導演，仲有講有笑！狄娜好厲害，有着制服嘅司機送佢去片場，又有私人化妝房準備，埋位就開工。記得佢拍完放飯就去半島酒店食飯，其實以前女明星唔會埋怨咁多，好似白小曼同胡錦佢哋拍性感戲都好大方，當年冇身材嘅女星會戴假胸同肉色衫，拍特寫時就搵替身，但狄娜唔使，完全真人上陣！宗華（狄娜床戲對手）、許冠文好讚賞佢嘅專業精神。」
談到現已死無對證？林華超說：「我已經75歲，但仍可以做證明，絕無欺騙！」對於《大》片上映時有露點鏡頭，但影帶中卻遭刪走？他說：「我知，當年剪片好叻，為配合出埠，所以剪不同版本！」
此外，《大》片中狄娜的裸露鏡頭，被網民連結上色情網站，片中狄娜與宗華由瞓低到除衫，出現露點及露股鏡頭，鏡頭由側影到床尾影下去，全程一Take過，動作連貫。
當年拍攝《大軍閥》的攝影師林華超，講述當日拍攝情景。
夏雨合作拍片獲贈詩句
狄娜逝世令人惋惜，其子馬天如飽受喪母之痛，仍不忘照顧愛犬，令人相當動容！
夏雨
「我75年同狄娜合作拍《七彩滿天神佛》而熟落！我哋影咗張合照，佢仲喺後面題首詩送畀我，覺得佢浪漫又有文采！後來我去內地做生意，佢都有介紹啲高官畀我識，不過大家好耐冇聯絡，所以佢病嘅時候我都冇去探佢！佢咁樣離開，當然好可惜！」
楊思琦
「雖然我對狄娜姐姐認識唔深，不過知道佢好有才華、好出眾，離世當然好惋惜！（馬天如不忘照顧愛犬？）呢啲係人之常情！狗仔由細接觸到大有感情，養小動物係一生一世嘅事，唔係話唔開心就可以唔理囉！」
「狄娜真係一個奇女子，唔會有第二個代替到佢！生命唔在乎長短，相信佢已經做到佢想做嘅嘢，都算係足夠！馬天如媽咪過咗身，可能唔識同人講自己點傷心，動物都係人類嘅朋友，同佢哋傾偈起到安慰作用！」
夏雨