獲無綫力捧壓力大
徐子珊膺新人王瞓唔着

徐子珊曾擔心自己在樂壇頒獎禮的成績不好，現在大可放心。

徐子珊 04年得港姐冠軍、拍劇、簽唱片公司加入樂壇，日前在《勁歌》頒獎禮獲最受歡迎新人獎，確立 09女新人王位置。即使身邊人對子珊有信心十足，但她卻對自己沒有任何期望，更怕失眠不能入睡。

選港姐個個女仔奇招盡出博見報，徐子珊那時相對低調。今朝被認為是女新人王，她卻怕高處不勝寒，子珊日前說：「好大壓力 o架咁講，我自己冇期望。如果真係冇，當晚瞓唔着但係第二朝 06（早上 6時）開廠咁點算呀？」
子珊續說：「其實心入面梗係想啦，呢張成績表唔止係自己嘅成績，唱片公司同事都幫我好多，因為我只係得三分之一時間去做音樂，佢哋支持我好多，攞到係對佢哋嘅一個交代。」

怕辜負觀眾

徐子珊覺得自己比其他歌手優勝之處是更入屋。

每到年底得獎傳言自動滿天飛，今年再加上四大唱片公司與 TVB的版稅事件，似乎對子珊奪獎一事更為有利。
每年新人輩出，子珊卻直認電視台背景對她有極大幫助，她說：「當然係有好處啦，因為相對其他歌手嚟講我會更加入屋。但係調番轉講，觀眾對我都會有更加大期望，反而要求可能會更加高。」相信日前奪《勁歌》頒獎禮最受歡迎新人獎的她大可放心。

想繼續出碟

徐子珊早前在無綫《 2009年度十大勁歌頒獎典禮》得最受歡迎新人獎，歌迷為她慶祝。
資料圖片

身為無綫人再任兼職歌手，自然少了時間唱歌，徐子珊說：「其實自己都冇主意，都係等公司決定。今年好少時間拍電視劇，所以明年會多番，但係如果樂壇頒獎禮成績好，我都希望會有第二隻碟，之前自己都怕大家唔接受，但係結果都尚可， air play（播放率）唔錯，自己都覺得可以 keep going（繼續）。」
採訪：藍文浩
攝影：陳順禎
場地： Amaroni Little Italy
髮型： Deil Siu（ Hair）
服裝： ZADIG& VOLTAIRE LUXE、 French Connection