王祖藍靠阿嬌提水免倒米

Twins早排喺紅館開演唱會，其中一晚王祖藍被Twins捉咗上台玩，差啲搞到「倒米」。事緣呢排個個藝人都鍾情玩微博，祖藍上台即刻話要影張相「微一微」先，因玩微博通常都用「i」字頭手機，但Twins演唱會係「N」字頭手機做贊助，好彩阿嬌醒目，喺祖藍未拎個手機出嚟影之前，喺佢耳邊「提水」，祖藍當堂Get到，即改口叫全場觀眾代勞，令Twins抹一額汗！

歐陽震華搜購格仔衫

剛拍罷新劇的歐陽震華（Bobby）前日趁不用開工，與太太傅潔嫻到銅鑼灣拍拖行街。約下午六時，戴帽的Bobby與太太穿梭一間百貨公司的男裝部，睇完格仔圖案的「孖煙囪」後，再挑選格仔恤衫，身旁的太太給予意見，最終揀選幾件格仔貨品往櫃枱付款。其後，兩公婆轉戰附近一間時裝連鎖店Zara，今次主力挑選長褲。Bobby把褲子拼上身，未有往試身。當他着店員拿新貨時，太太醒目先往付款處排隊，等老公不用費時，認真細心。

歐陽震華與太太掃貨，由內至外均是格仔圖案。

鄭裕玲D.I.Y閃飾一味靠黐

潮流興「D.I.Y」，甚麼也講究心意，親手做才有意思。圈中不少藝人亦愛動手設計工藝品，開設時裝店的徐濠縈（Hilary）私底下也愛設計產品，近期她設計了一個藍色星形圖案的小手袋，怎料她在英國倫敦一間店舖發現了十分相似的產品！那間店舖專賣一些新進歐洲設計師的產品，那個跟其設計相似的手袋名叫「Hilary’s Bag」，跟她的英文名字相同，十分巧合！
圈中「前輩」如曾華倩及鄭裕玲等原來亦愛創作，曾華倩是畫畫達人，最近更廢寢忘餐專注完成八幅畫作，其中一幅是汪明荃的肖像畫。「潮人」鄭裕玲鍾情流行的Bling Bling裝飾，更把隨身物品如手提電腦及手提電話等全都貼滿閃石，比很多後生仔更潮！