王菀之拍《老表,你好嘢!》鬼妹陳明恩廣東話拍劇

雞仔聲

一句對白 NG五次 王菀之衰誇張捱鬧

2012年07月18日

歌星齋唱點搵到食,點都要拍吓電影或劇集先入到屋,再賺登台、廣告錢。天生靚聲的王菀之( Ivana)亦唔例外,出道 7年,早前做過舞台劇,最近終於殺埋電視,拍住王祖藍、郭晉安等好戲之人,處女拍無綫新劇《老表,你好嘢!》。

上星期首週開工即頻頻 NG,一句對白都要 NG五次,更俾導演當街鬧。講嘢唔掂,表情又浮誇,結果一個簡單 shot超時兩倍,拍足兩個鐘先完成。

導演訓話

王菀之拍無綫新劇《老表,你好嘢!》
你表情太誇喇!真實對白

拍完第一個 take,導演(左)即刻走埋去 Ivana面前:「你唔使咁大動作 㗎!」 Ivana即刻點晒頭知衰。

私人化妝師

Ivana今次拍劇落重本,除咗有保母車跟出跟入,唔使同人迫無 綫小巴,仲自備私人化妝師,盡顯一姐風範。

王菀之拍無綫新劇《老表,你好嘢!》

王菀之拍無綫新劇《老表,你好嘢!》
坐保母車


王菀之入行至今,演戲經驗唔多,除咗 07年幫森美小儀歌劇團拍舞台劇外(圖),上年亦同梁祖堯、湯駿業等合演《 I Love You Because》。唔知係咪拍得多舞台劇,做戲比較誇呢?《蘋果日報》圖片

33歲王菀之出道至今一直賣靚聲,上年一首〈水百合〉勁 hit令她有機會在紅館開個唱,又首度成為「亞太女歌手」。無綫錫晒,自然要報恩,今年王菀之趁 TVB花旦荒,失驚無神走去無綫拍新劇《老表,你好嘢!》做外援。

青筋演技

郭晉安,萬綺雯喺《老表,你好嘢!》擔正,二人 喺劇中飾演社工,角色超正經,反而搞笑戲分幾乎全部喺王祖藍身上。論搶鏡度一定王祖藍贏啦!
郭晉安,萬綺雯喺《老表,你好嘢!》擔正,二人 喺劇中飾演社工,角色超正經,反而搞笑戲分幾乎全部喺王祖藍身上。論搶鏡度一定王祖藍贏啦!

拍劇新丁的 Ivana戲分唔少, 20集劇由頭帶到尾,仲同張繼聰、王祖藍有唔少感情戲,大玩三角戀。可惜 Ivana唱歌 100分,但做戲就未合格,開工即變 NG王。

上週四(12日)到觀塘取外景,該場戲拍攝 Ivana發現王祖藍偷琴,之後走出路口大叫:「佢偷咗我個琴呀!」簡單一句對白,但 Ivana演來吃力,破口大罵青筋現形,當場被導演埋怨:「唔使咁大動作!」亦話佢:「你表情太誇喇!」結果超時一個鐘先拍完。

鬼妹師妹撐場

王祖藍除在《老表,你好嘢!》幕前演出外,加埋同門 100%西洋師妹陳明恩

王祖藍除在《老表,你好嘢!》幕前演出外,仲做埋編劇,亦搵埋編審。他亦搵曾經搞笑傳出是他老豆嘅黄光亮,加埋同門 100%西洋師妹陳明恩,雖然王祖藍表示唔係佢介紹陳明恩入無 綫,不過當日見陳明恩同王祖藍雞啄唔斷。

演藝幫玩晒

新劇《老表,你好 嘢!》除 咗有王菀之外,亦有張繼聰、黃光亮等外援,但據知戲分最搶其實係第二男主角王祖藍,連第一男女主角郭晉安和萬綺雯亦唔及佢。事關今次王祖藍有插手編劇,事件更搞到一眾無 綫編審、編劇發火,拒絕為王祖藍開工。激嬲班編審,演藝戲劇學院畢業的王祖藍惟有搵班師兄弟同學幫手,《老》劇編審龍文康正係電影及舞台劇在職編劇。幕前除黃光亮,亦搵埋教友兼鬼妹師妹陳明恩幫手。

幕前幕後都有自己友謢航。記者問祖藍是否搵自己友幫拖,佢就死唔認:「陳明恩唔係我介紹㗎,至於編審龍文康,佢係好出名,不過都係 TVB功勞,唔關我事。」唔敢邀功,費事再辣着 TVB編審啦!

猛料編審

王祖藍今次碌人情咭吹雞嘅編審龍文康,原來大有來頭,除咗創作過唔少舞台劇,亦創作過唔少電影劇本,如爾冬陞導演的《門徒》和仲未憑《打擂台》打出名的郭子健導演的《野.良犬》等。現於演藝教編劇班。咁有水準,希望有啲好劇本啦,唔好又係啲師奶劇。

王祖藍早前表示有份寫《老表,你好嘢!》,令一眾編劇不滿,現改口話只畀創作方向,就連編劇名都冇出現喺戲本上。
王祖藍早前表示有份寫《老表,你好嘢!》,令一眾編劇不滿,現改口話只畀創作方向,就連編劇名都冇出現喺戲本上。

龍文康
龍文康

《野.良犬》
《野.良犬》
《蘋果日報》圖片

《青苔》
《青苔》
《壹週刊》圖片

鬼妹廣東話拍劇

陳明恩( Corinna)

陳明恩( Corinna)父親係新西蘭人,母親係澳洲人,自細喺香港長大,廣東話超流利, 喺演藝學院音樂系畢業,除咗拍《老表,你好 嘢!》外,早前亦有拍《名媛望族》,最近亦拍完《神探高倫布》,戲分亦唔少,劇中同敖嘉年一對。


本文鏈接:王菀之拍《老表,你好嘢!》鬼妹陳明恩廣東話拍劇