當樂易玲面行第一步
學友冧亞視　剃無綫眼眉

雖然學友與無綫高層樂易玲在台上碰杯，不過無綫卻沒有派員採訪。

身為環球歌手的張學友將於今日推出廣東碟《 Private Corner》，雖然唱片公司與無綫的版稅問題仍未解決，但學友一於冇有怕，不但邀請亞視和有線的代表出席其新碟記者會，更破天荒以廣東話接受亞視訪問，擺明剃無綫眼眉。

已經有 5年沒有推出廣東碟的張學友，昨日在尖沙嘴為新碟《 Private Corner》舉行記者會，除各大電子傳媒的代表出席外，還邀請了東南亞的傳媒。在記者會上不但首度播放學友新歌《迷你》的 MV，學友更即場演繹兩首新歌。曾經炮轟無綫資源少但要求多的學友，獲無綫高層樂易玲支持，在台上二人亦有碰杯，但無綫卻沒派人到場，反觀亞視則派員採訪，有關片段已安排在昨晚晚間新聞及《主播天下》內播出。

張學友破天荒以廣東話接受亞視訪問，片段還於昨晚的亞視晚間新聞播出（右圖）。

不排除再合作

談到今次破天荒邀請亞視出席，學友說：「我覺得係好事，今次係第一步，見到呢個現象都開心。」對於無綫沒有派員採訪，學友說：「我諗係佢哋嘅政策問題，又或者係仲有官司，我冇所謂。」
學友更坦言稍後會接受亞視和有線的節目訪問，問到與亞視會否有其他合作，學友說：「唔排除可能性，但訪問同表演係兩回事，都要睇時間同埋表演項目係咪啱做。」
對李克勤堅持效忠無綫一事，學友說：「每個人都有自己嘅選擇，每個歌手都有自己嘅考慮。」至於有否擔心與無綫關係更加惡劣，學友說：「佢搵我拍戲都會拍，如果版稅問題解決咗，表演都冇問題，我當然希望我哋啲 MV可以喺無綫播，而且音樂始終係音樂，要尊重頒獎典禮，唔好剪到支離破碎，喺電視睇到都難過。」