爆祖藍頂硬上舖頭冧女 伍詠薇黑超出巡掩面速逃

爆炸堂:爆祖藍頂硬上舖頭冧女

王祖藍雖然淨係拍戲、唱歌、拍劇、做主持已經忙到爆炸,不過近日仲搞埋糖水生意,雖然話佢只係其中一個投資者,但係都想生意愈做愈好㗎!為咗咁,祖藍不惜犧牲休息時間,時不時走去舖頭打個白鴿轉,希望可以利用明星效應催谷生意!

有日祖藍約咗小小So去佢間糖水舖試食兼敍舊,原本傾得鬼咁開心,但唔夠十五分鐘,已經有食客要求同祖藍合照,攰爆嘅祖藍即刻鬼打都冇咁精神咁款,同啲食客傾偈兼影相。祖藍嘅親切表現,令到成間糖水舖嘅群情即時洶湧起上嚟,所有食客爭相上前同祖藍合照,祖藍亦有求必應,走遍舖頭照顧每枱食客嘅所有需要。雖然間糖水舖唔算好大,但祖藍咁樣「親善」都用咗成廿幾分鐘,搞到小小So要呆坐一旁,相比之下好鬼落寞!

不過,有樣嘢好鬼得意,雖然祖藍唔係靚仔,但唔知點解糖水舖裏面所有嘅女士見到佢都雙眼發光,唔單止同佢影相時個樣鬼死咁甜蜜,仲要猛讚祖藍靚仔,咁受異性歡迎,唔怪之得祖藍咁多緋聞啦!


放大圖片

伍詠薇黑超出巡掩面速逃

經常與老公練海棠恩愛出巡的伍詠薇,日前下午五時許,撇甩老公戴上太陽眼鏡獨自於中環行街,但當她發現記者時,向來任影唔嬲的她卻一反常態,突然雙手掩面,但之後伍姑娘見逃不過記者的鏡頭,即一臉尷尬邊揮手打招呼,邊急步離開。
陳加玲到唱片舖買碟,邊揀邊講電話。
陳加玲到唱片舖買碟,邊揀邊講電話。

此外,同場亦見到陳加玲於該處的唱片舖挑選新碟,見她不時試聽新歌,又向店員查詢,大有斬獲的她之後便往排隊付款離開。

伍詠薇一見記者即以手掩面,行色匆匆。
伍詠薇一見記者即以手掩面,行色匆匆。

鄧萃雯陪長者唱K冇代溝

鄧萃雯出席《平安手機服務》宣傳活動時透露,身邊有不少長者家人,近幾年她亦盡量抽時間於節日或假期陪伴他們,又笑言與長者相處絕無代溝,她說:「屋企啲老人家好講得笑,同佢哋食飯之後仲會一齊唱K添!」對於惠英紅在《第四屆亞洲電影大獎》贏得最佳女配角,她祝福對方最緊要在香港電影金像獎亦有獎。


放大圖片