米雪追憶尹佬茶飯不思
太阳报
米雪前日哭送摯愛尹志強（尹佬）最後一程後，昨日又再硬撐開工。經過一輪拍攝後，米雪未有與一班演員午膳，反而收埋自己，明顯為尹佬而「茶飯不思」。
前日才完成尹志強的火葬儀式，「未亡人」米雪昨晨九時便繼續開工，拍攝無綫新劇《女人最痛》。她在女助手陪同下，從寓所開車返電視城，甫到錄影廠外即有四名保安護駕到化妝間。被問及心情如何？米雪只笑而不答，當化完妝準備入廠時再被追問，她才說：「OK啦！（追悼會安排如何？）多謝關心。（低調進行？）未定，多謝關心。」問到有關追悼會事宜是否由她全權負責，米雪只搖搖頭，沒有再正面作答。雖然同劇演員敬佩其專業及堅強，但米雪的硬撐其實已到達頂點！因為劇組中午放飯時，同劇演員齊齊往餐廳午膳，唯獨未見米雪出現，似乎因飯堂人多嘈雜，加上極度思念尹佬而茶飯不思！
米雪全程在工作人員護駕下開工，只簡短地回答傳媒提問。
米雪被大批傳媒追訪，落車時舉步維艱。
同劇演員齊齊午膳，唯獨不見米雪的出現。
下月初煞科
問到同劇演員張可頤可有安慰米雪？她說：「佢都OK，非常專業。（知佢有冇要求休息？）唔知！要問監製，其實個劇三月頭都煞科。（有冇見親友嚟接送佢？）都唔太覺，我哋收工時間唔同。見佢心情平和，情緒唔似外間所講咁波動。」而在《女》劇中演米雪秘書的何傲兒，昨日亦與米雪同場於電視城停車場拍攝，她說：「全劇人都支持米雪！有咩需要都會盡量幫助。（佢依家心情點？）同之前一樣，睇唔到佢心情受到影響。」
張可頤與何傲兒均佩服米雪的專業精神。
張可頤
米雪面對傳媒即強顏歡笑，掩蓋喪偶之情。
直至晚上七時半，米雪在女助手陪同下出廠給記者拍照，期間米雪強顏歡笑，記者欲發問時即被女助手阻止：「唔好意思，唔答喇！」大批記者在廠外等候米雪時，一度遭保安驅趕。
關禮傑難忘尹佬教踢波
久未露面的關禮傑與朱健鈞，昨日代表電視演藝體育會足球隊到屯門踢友誼賽，關禮傑對尹志強的離去感可惜，他說：「我都踢過明星足球隊，尹佬（尹志強）教過我踢中鋒，仲好認真教我，令我球技有進步。佢嘅離開當然令人惋惜，但佢同病魔對抗都好辛苦，依家係種解脫。」朱健鈞亦慨嘆地說：「我識睇波係好後期嘅事，未試過睇尹佬為明星足球隊落場，但我阿爸睇開波，佢成日讚尹佬好脾氣，我好想可以同尹佬同場踢波。我亦同過米雪姐合作過演母子，但拍完後比較少聯絡。」此外，昨午在深水埗運動場舉行晨曦對四海流浪的甲組聯賽，開賽前特別為尹佬默哀。
晨曦與四海流浪的球員齊為尹佬默哀。
