吳浩康舊愛胡定欣(Nancy),自跟阿Deep分手後,便戀上小生馬國明,但兩人對戀情表現極低調,雖然有傳Nancy搬到男友太古城寓所附近居住,去年本報亦曾踢爆兩人雙雙行街Shopping,之後更共賦同「車」,令他們的感情開始白熱化。早前,馬國明更公開表示Nancy符合他的擇偶條件,為女友打了一支強心針!
大晒長腿
近日男友忙於開工,日前Nancy相約助手齊齊Shoppng。一身黑白橫間連身短褲打扮的她,穿上長靴,在銅鑼灣 出現,實行要騷騷長腿,力抗寒冬。她與助手於百德新街一帶的時裝店不停穿梭,逛完一間又一間,但Nancy看來志在打發時間,完全沒有購買意欲,行了大半小時,都是齋睇唔買,最後與助手雙雙食飯去。文:陸宜 圖:容子堂、甄朝健
■胡定欣著到鬼火咁靚去逛街,一雙長腿非常耀眼。
■胡定欣齋睇唔買,過足手癮。
■胡定欣「運桔」無幫襯,店員都好有禮貌地送她出門口。
■胡定欣與助手不停穿梭名店和各大時裝店,似乎好得閒。