苗僑偉撐男人夜蒲有理

資料圖片

苗僑偉（三哥）噚日接受商台錄音訪問，講到佢同謝天華合唱嘅無綫劇集主題曲，佢透露老婆戚美珍覺得內容係三哥嘅寫照。
三哥話：「歌詞話男人夜蒲，啲女人以為佢哋去滾有第二個，其實佢哋去咗篤波唱 K，所以先覆唔到機。」佢又話男人都要人，仲大讚三嫂好識做，又講笑話自己同天華唱呢首歌最啱，三哥話：「天華結咗婚，但俾人覺得仍然媾女花弗。」

徐子珊鞭打甄子丹

徐子珊（前）與甄子丹拍對打戲，大讚他憐香惜玉。

李仁港執導，甄子丹、趙薇、吳尊與徐子珊主演的《錦衣衛》將於下月 11日賀歲檔期上映。子珊飾演神秘西域殺手，身穿一襲低胸裙造型冷艷性感，武器是一條鞭及金蟬脫殼的移形換影妖術，這條蛇形鞭出招時可殺人於無形，她的追殺目標正是飾演錦衣衞的甄子丹。

工作人員中招

跟武功高強的甄子丹對招，子珊心情緊張，她說：「其實同子丹大哥合作時有好多顧慮，因為一來怕佢遷就我反而整傷自己，二來我用嘅係鞭，難於控制，打到佢身上就唔係太好啦。」向來憐香惜玉的子丹笑言：「當初我同子珊講過唔使怕，即管打過嚟，因為如果佢顧忌嘅話我仲難捉摸鞭嘅方向，不過子珊嘅鞭就偏偏打唔中我，反而工作人員中招！」