苟芸慧喪食150磅龍躉 林保怡攬胡定欣送暖

王君馨、宋熙年、陳芷菁和苟芸慧演出無綫節目《為食總司令》,苟芸慧表示吃盡珍貴的菜式,最難忘是與溫拿品嘗一條重達一百五十磅的龍躉:「我最初以為躉係指Pat Pat。(食到增磅?)肥就冇乜,不過就靚咗,因為食咗啲花膠同魚翅等養顏食品。」
王君馨(右起)、苟芸慧、幟哥、陳芷菁及宋熙年晒巨型海鮮。
王君馨(右起)、苟芸慧、幟哥、陳芷菁及宋熙年晒巨型海鮮。

至於陳芷菁則透露女兒最近患上手足口病:「過年接咗好多騷,又要照顧小朋友,佢發燒、手腳出紅點,屋企要不停消毒。」

苟芸慧為主持節目勤學廣東話。
苟芸慧為主持節目勤學廣東話。

林保怡攬胡定欣送暖

林保怡與胡定欣昨日出席紀錄片《敦煌》宣傳活動,在節目中林保怡與泳兒、鍾舒漫等女星合作做主持,而活動上更有機會攬着扮敦煌美女的胡定欣。胡定欣雖露纖腰但慶幸活動在室內舉行:「唔凍!保怡攬我嗰時,感覺到佢對手好暖。」新年期間她狂食嫲嫲炮製的糕點,但未有增磅;而林保怡自言屬長輩級,初一在家中等人來拜年,初二則與爸爸到長春,一圓其父看雪的心願。
讚米雪堅強

對於尹志強離世,從未與米雪合作的胡定欣表示關心:「有留意新聞,睇到眼濕濕,想同佢講支持佢,佩服佢嘅堅強。」林保怡昨晚才回港,從記者口中得悉事件後並問候米雪及讚她堅強,又憶述母親逝世時他同樣如常工作:「做藝人冇辦法,嗰時拍緊《珠光寶氣》都要照開工,角色仲要大笑。」


放大圖片