萬千星輝頒獎典禮2011 高海寧儍妹食住上

萬千星輝頒獎典禮 2011
高海寧儍妹食住上

入行 3年、以勁爆身材而聞名的高海寧,今年憑《為食總司令》、《為食一條街》、《午夜出動》和《法證先鋒 III》獲提名萬千星輝頒獎典禮 2011的飛躍進步女藝員,對此高海寧直言:「原來做綜藝節目都可以獲得大家肯定,所以當自己已經贏咗。」靠身材起家的高海寧,更希望日後可磨練演技。

撰文:何慧斯

高海寧憑多個飲食節目獲提名飛躍進步女藝人,她坦言從未想過主持綜藝節目可獲提名。 

高海寧憑多個飲食節目獲提名飛躍進步女藝人,她坦言從未想過主持綜藝節目可獲提名。

高海寧日前在尖沙嘴接受訪問時,回想得悉獲提名一刻:「冇諗過,上年係憑《健康奇案錄》獲提名,今年又冇呢個節目,仲諗住唔使出席頒獎禮,點知今年有得提名,好愕然,真係食肥咗都抵。」她續說:「聽人講過一定要拍劇,先可以攞獎同俾人留意到,但原來做綜藝節目都可以獲得大家肯定,今次對我係好大嘅鼓勵,所以當自己已經贏咗。」

與少年食神 Michael拍《為食一條街》時,高海寧表現得很自然。電視圖片

與少年食神 Michael拍《為食一條街》時,高海寧表現得很自然。電視圖片

拍《為食總司令》時,高海寧(左)與陳庭欣都曾以泳衣上陣。電視圖片

拍《為食總司令》時,高海寧(左)與陳庭欣都曾以泳衣上陣。電視圖片

冇刻意谷奶

雖然在 08年參選港姐時大熱倒灶,不過未必等於走入絕路,轉做藝人的高海寧,憑 D cup身材而令曝光率增長不少,有名當然有利,但同時亦被是非纏身,她說:「今年成績好滿意、好開心,最近好多人問我有冇受到困擾,初初會有,始終唔識我嗰陣,淨係睇身材,會覺得呢個人咁博。當有人同我相處過之後,先知道原來我係儍,仲係得個樣,其實我冇特登谷得好勁,出發點只係想成件事靚。」
經常現身飲食節目的高海寧,獲不少網民激讚她食得夠自然,其後獲不少綜藝節目邀請演出,問她會否主力做綜藝節目?她說:「想兩邊都試,我做綜藝嗰陣,無論係飲食抑或旅行節目都好,我會做番自己,係人都鍾意食同玩。拍戲係另一樣嘢,要投入做另一個人,難度好高,所以想試多啲呢方面。」
最近高海寧有份參與金牌監製李添勝新劇《天梯》,她直言很幸福:「呢部係第一部正式嘅連續劇,基本上每集都有份,同以前客串啲角色好唔同。今次真係好彩,有好多好對手,佢哋唔會嫌我新、乜嘢都唔識,反而仲勁有耐性教我。」她續說:「今次演一個歌女,唔怕男人,有場講我調戲黃德斌同陳豪呢班鄉下仔,開頭我唔知點做,亦唔知點叫好,德斌就用好具體嘅方法教我,連張可頤都有教我掌握角色。」

高海寧憑飲食節目打響名堂,今年更獲提名獎項,她說食肥了也值得。資料圖片

高海寧憑飲食節目打響名堂,今年更獲提名獎項,她說食肥了也值得。資料圖片

入行三年的高海寧滿意目前的成績,來年她希望可多點拍劇。

入行三年的高海寧滿意目前的成績,來年她希望可多點拍劇。

感謝李添勝

對於難得有演戲機會,高海寧說要多謝添哥:「添哥好勇敢,夠膽畀機會一個新人,仲要係個戲份唔少嘅角色,所以我要努力做好,希望全套戲圓滿,唔好喺我呢個位有污點。」展望將來,高海寧說:「想拍多啲劇,磨練演技,成日覺得自己冇長處,冇把刀利,唔想淨係識食同靠身材,出嚟活動行吓影張相就算,想搵樣專長,如果唔係到時冇咗人氣,又或者多啲女仔出嚟,咪好易被淘汰?所以我要再努力。」
攝影:仇志德
場地提供: The ONE

萬千星輝頒獎典禮 2011飛躍進步女藝員提名

•高海寧《為食一條街》、《午夜出動》、《為食總司令》、《法證先鋒 III》
•馬賽《為食一條街》、《洪武三十二》、《九江十二坊》、《不速之約》、《萬凰之王》
•黃智雯《東張西望》、《居家兵團》、《怒火街頭》、《潛行狙擊》、《不速之約》
•樂瞳《點解阿 Sir係阿 Sir》、《九江十二坊》、《法證先鋒 III》
•龔嘉欣《隔離七日情》、《怒火街頭》、《誰家灶頭無煙火》、《紫禁驚雷》


本文鏈接:萬千星輝頒獎典禮2011 高海寧儍妹食住上