葉璇樂做螺釘

葉璇憑《意外》獲得今屆香港電影金像獎「最佳女配角」,表現激動的她甫上台即哭說:「我有一個好好導演朋友同我講:『葉璇,冇人會搵你做女主角!』幾咁令人沮喪一句說話?多謝金像獎證明畀我睇,無論主角、配角、閒角或者任何一個崗位,釘粒鈕、上粒螺絲都好,我都有人生電影呢個主角,可以咁開心企呢度……」幸好她沒有放棄過,最終備受肯定成為了一枚金色「螺絲釘」,下個目標誓向打女出發。

撰文:劉安妮  攝影:TungStar

葉璇@金像獎

得獎後,葉璇已返回內地拍劇,她笑謂因為要投入新的工作,早已把得獎心情平伏。任達華從影34年首度開齋稱帝、惠英紅守了28年終再度奪影后。相比之下,葉璇笑說:「我已經好幸運,轉拍電影幾年,冇乜辛酸。」2005年離開無,葉璇加盟寰亞電影公司轉戰大銀幕,至今拍了十多部電影,演的都是配角,就算她於《意外》的角色名字只是叫「女人」,評審也沒有走漏眼,為她編派一個更動聽的名字:「最佳女配角」。

人生最大意外

葉璇被好友兼導演睇死沒人找她當女主角,追問是誰?她笑說:「唔講喇,總之佢係我好朋友,聽完冇乜感覺,亦冇沮喪過。」被好友看扁不能當上女主角的同時,監製杜琪卻別具慧眼,一早看出她對電影的熱誠,找她拍《意外》。「《意外》拍兩年,多謝導演鄭保瑞咁有毅力同堅持先可以完成,呢部片拍咁耐,亦成為我人生一大『意外』。」葉璇透露這部電影是她剛踏足影圈時拍,當時杜琪卻獨具慧眼找她當女主角,問到之前他們可認識?葉璇說:「我拍完先識佢,佢話搵我拍因為我有Heart,同其他人唔同,我覺得佢唔止係一個好老師,聽到佢句說話簡直覺得佢係一個知音。」

兼職配音演員

不知為何,葉璇過往在電影的角色扮相都是「醜得好離譜」,是導演們有心作弄她嗎?葉璇笑說:「我拍緊呢個劇靚到國色天香咁,已經好足夠,新片《飛沙風中轉》亦終於畀我靚一次喇,可能導演都覺得對我唔住,我第一次拍電影係《情義我心知》,當時一妝都冇化到。我幾乎冇電影入面做過靚女,連麥兆輝、莊文強都戥我慘,其實只要有發揮真係唔介意。」

除幕前演出外,葉璇也多次作聲音演出,她曾於《竊聽風雲》替張靜初配廣東話、《十月圍城》幫范冰冰配廣東話及普通話對白,連配音也撈埋嗎?她笑說:「當時拍緊另一部戲,因為張靜初講唔到廣東話嘛,麥兆輝捉我去配音,之後陳可辛因為睇完《竊聽風雲》聽到我配音之後,叫我去配范冰冰,都係友情牌,間唔中配一兩次啦。只要可以電影中生活,無論做主角、配角我都一樣咁開心。」

後記:唔辛苦唔做

葉璇給人感覺十分硬淨,就算被冷水倒頭淋也沒有氣餒過。她有舞蹈底子,最新目標是要拍打戲做打女,偏偏不辛苦的不去做,問到是否有自虐狂?她哈哈笑說:「我唔係自虐,無論角色幾辛苦,最緊要可以感動觀眾!」

的確,葉璇之前拍過一部小本電影《頭七》吃盡苦頭,偏偏很少觀眾看過,而有看過的必早已認同她的演技,葉璇高興地說:「發行問題吧,有人欣賞已好開心,當然我最滿意都係今次多得你鼓勵!」