葉翠翠贊成重判蜥蜴仔

葉翠翠身為今屆港姐李姿敏及熊穎詩的師姐，但艷光絕不遜色。

葉翠翠、港姐亞軍李姿敏、季軍熊穎詩、陳自瑤等昨日在將軍澳電視城宣傳下周一上午八時在無綫明珠台衞星直播美國洛杉磯柯達劇場舉行《第八十二屆奧斯卡金像獎頒獎典禮》。

睇三次《阿凡達》

幾位港姐異口同聲表示會熱捧《阿凡達》，翠翠說：「奧斯卡提名電影我都只係睇咗《阿凡達》，我仲睇咗 3次， 3次都睇得好開心。」
港姐頭號 fans「蜥蜴仔」曾德華以介紹入娛樂圈為由誘姦未成年女網友罪成判七年半，葉翠翠說：「我都有問人佢係邊個，可能見到面會識，以前就算見過應該對我冇乜點，不過，犯呢啲事要判重啲，對受害者影響終身。」熊穎詩表示以前在加拿大曾經有星探邀她拍廣告硬照，最後她拒絕了，她說：「嗰時都有少少動搖，覺得呢個可能係一個機會，不過最後都冇答應。」

採訪、攝影：楊潔雯

姚樂怡未婚趕住生仔

姚樂怡（左）踢爆好友關寶慧桃花旺，自己亦有計劃想生 BB。

姚樂怡和關寶慧前晚到將軍澳電視廣播城錄影遊戲節目《逐格鬥》，兩人份屬好友。
姚樂怡踢爆關寶慧近日桃花旺盛，有不少追求者，至於姚樂怡自己則已有位穩定男友，但她坦言可能因拍拖太久，已沒有結婚衝動，姚樂怡直言：「如果有 BB我先會結婚，之前去蔡一智啲聚會見到好多小朋友，都有衝動生 BB，希望今年成事。」

關寶慧恨嫁

至於關寶慧則坦認有幾位追求者，但她仍未揀定，目前大家都靠電話聯絡，若要嫁雞隨雞返內地定居，關寶慧表示沒有所謂，只要嫁得出，往何處定居也不是問題，而近年關寶慧以拍內地劇集為主，她直言搵人仔收入相當不錯。

採訪：何慧斯　攝影：陳慧安