難得有機會獨霸主人，金仔的樣子也特別得戚，甚有加菲貓的風采。

唐詩詠自與崔建邦分手後，感情世界雖暫時空白，但卻不愁寂寞，因為她每晚返家便要侍奉愛貓金仔和銀仔，有傳銀仔是由舊愛崔建邦所送贈，但她守口如瓶。唐詩詠談起家中兩隻怕醜貓，最感頭痛的就是帶牠們冲凉、搽藥、看醫生，都要施展擒拿手，十分吃力。　撰文：比華利

誰不想家中有金又有銀，唐詩詠同時為滿足兩個願望，於是把家中兩頭摺耳貓取名為金仔和銀仔，她表示銀仔是朋友相送，但怕牠寂寞再收養了金仔作伴。有指銀仔是由舊愛崔建邦送贈，對此她三緘其口，只說：「總之係一個好朋友送，邊個就真係唔講啦。」唐詩詠笑言再養第三隻，她會替牠改名叫阿蛋，她解釋：「當我叫佢哋嘅時候，我好順口一句『金銀蛋』就搞掂晒。」

《貓三絕招　尋幽探秘》人生路不熟，金仔（箭嘴示）甫抵達 cafe便搵碇匿，終逃不過唐詩詠的法眼。

《貓三絕招　玩具安撫》
金仔依然心驚驚，故此唐詩詠要出動玩具分散牠對陌生環境的注意力。

《貓三絕招　按摩呵護》
唐詩詠捉着金仔，施展摩打手為牠搓肚，讓牠鬆弛不再緊張。

一看這張「全家福」，就知銀仔的地位，牠如大爺一般躺着，等主人湊近合照，金仔則仰面望着主人撒嬌。

銀仔逃入梳化底

金仔內向甚少外出，故去到陌生地方，喜歡躲起來。

貓咪不像小狗，牠們比較內向黐家，拍照當日，唐詩詠原意讓金銀兄弟同時曝光，可是銀仔率先發現好兄弟金仔難逃媽咪唐詩詠魔掌，被捉入寵物旅行袋，準備帶出街，銀仔便醒目地潛逃入梳化底，令唐詩詠無從下手，最終只得放棄捉牠。不過帶金仔出街也大工程，唐詩詠說：「金仔都極力反抗，佢係咁咬我，幾經努力我先放到佢入袋。」
金仔甫到銅鑼灣一間樓上 cafe，牠膽小避鏡頭，甚至躲在咕後要唐詩詠出手捉牠現身，經過主人一輪捉迷藏熱身，金仔才肯合作任影。當唐詩詠使出摩打手，在金仔肚腩上不停按摩，牠顯得非常享受。體重十多磅的金仔，全身胖嘟嘟，軟綿綿，金白的毛色驟眼望去有點像加菲貓。

扮儍貓傾心事

唐詩詠表示家有猛男相陪，令她樂得足不出戶，她說：「佢哋性格好唔同，銀仔係大哥大，比較獨立，金仔就嗲啲，每次我返屋企，金仔會熱情行嚟門口迎接，但銀仔成個男主人咁，要等我行去同佢打招呼，佢都幾招積。」
兩隻貓仔有時相處愉快，有時又會爭着向唐詩詠撒嬌爭寵，令她啼笑皆非。唐詩詠表示留意到金仔銀仔有時會不停發聲，驟耳聽來就像兩名小孩傾個雞啄唔斷，她搞笑說：「我有時都會同佢哋癲埋一份，我又係咁同佢哋傾。」　攝影：陳慧安　服裝： Guess　場地： Pavlion

Cat File

金仔（左）
品種：蘇格蘭摺耳貓
性別：雄性
年齡： 3歲

銀仔（右）
品種：蘇格蘭摺耳貓
性別：雄性
年齡： 4歲

獨門秘方治貓癬

唐詩詠最怕貓貓生病，故平時跟金仔玩時，都會乘機檢查牠的皮毛狀況。

唐詩詠視兩頭摺耳貓為一家人，最怕牠們生病，寵物像小孩一樣不會表達，需要主人平時細加留意。唐詩詠表示最初選擇把貓兒交給寵物店冲凉和修甲，但後來發現每次回來牠們身上都生了癬，令唐詩詠非常肉赤。
自此之後，唐詩詠為貓兒美容扮靚便甚少假手於人，她說：「其實貓本身都好乾淨，一年冲一次凉都足夠，所以我家索性自己嚟，但因為每次冲一隻都好多功夫，好似打交咁，所以我兩隻貓要分兩日冲。」至於修甲則視乎有需要就修剪，不定時進行。

搽藥記得戴頭罩

養貓最忌皮膚病，主人看到牠們整天痕癢不停也愛莫能助，唐詩詠積累多年養貓心得，她表示有時就算看醫生搽藥膏都未必立即有效，但她誤打誤撞卻發現獨門醫治秘方，她說：「我試過有次啲貓生癬，我同佢哋搽咗雙飛人藥水，好快就好番，呢種藥水藥性溫和，就算佢哋食咗都唔怕有事。」不過，為免貓隻舔身時誤吞下藥水，唐詩詠建議搽完藥得切記替貓隻戴上像喇叭的頭罩保護。