被指傳「I love you」求愛短訊 楊思琦:與李泳豪不會復合

楊思琦昨日被周刊指想跟舊愛李泳豪復合,在泳豪5月生日時傳「I love you、I miss you」短訊,但泳豪已心死不為所動。又傳思琦與吳帥分手只是煙幕,當日聲稱斷絕關係只為挽救負面形象。昨日楊思琦對傳聞加以否認,並大呼無辜,說沒有傳過短訊,強調與泳豪不會再一起。

思琦去年中宣布與李泳豪結束9年情,移情前香港跳水隊隊員吳帥後,今年2月中在美國秘密誕下女兒,肩負單親媽媽責任,跟吳帥斷絕關係。昨午她出席無綫節目《迎海尋珍奪寶》宣傳,被問到想與泳豪復合的報道?她一臉無辜說﹕「不關我的事!」她稱自己沒有傳過這樣的短訊,也不明白為何報道中有這麼多所謂的知情人士,有些事連她自己也不知道。

拒談吳帥分手煙幕

她表示與泳豪分手的事之前已交代清楚和處理好,分開後不會再在一起。現在目標是努力工作,照顧BB。提到被指與吳帥分手是煙幕?她不願多談,說知道很多人關心她的感情生活,但自己現在是單身,並沒有男友;目前最重要的是工作和家人,感情事之後再說。她表示暫未有劇拍,若有機會希望多嘗試演不同的角色,更不介意演媽媽角色。

相關報道:壹週刊第1179期

娛頭

求愛短訊翻兜李泳豪鼎爺怒斥楊思琦多X餘!

2012年08月09日~~第1170期香港《壹周刊》

被指已接受做單親媽咪壓力,投入工作,為奧運講跳水的楊思琦,看似與舊愛李泳豪及女兒經手人吳帥了斷得一乾二淨,但實則不然!原來近日楊思琦為番個水泡,竟然面都唔要,以求愛短訊翻兜,被她當日狠撇傷透的李泳豪。

偷食加上女都生埋,醒晒的李泳豪一於拒食回頭草,而承認楊思琦向兒子發過翻兜短訊的鼎爺李家鼎,亦不屑對方厚面皮死纏爛打,警告她唔好搞咁多嘢,且直斥說:「多X餘!」

另外,近日無綫內部亦傳出楊思琦跟吳帥關係未斷的講法;與吳帥拖拖拉拉,又想翻撻李泳豪,楊思琦好貪心,得一想二!


為揀吳帥,當日楊思琦狠飛李泳豪。但想不到在分手一年後,她厚住面皮發兩個短訊給舊愛求翻撻。


鼎爺落閘
知道楊思琦以短訊翻兜泳豪,一直為子護航的鼎爺即時落閘,叫她唔好搞咁多嘢!


堅拒受氹
經過時間療情傷,及睇清舊愛為人,痴情漢李泳豪終於清醒,不為示愛短訊心動復合。

狠丟30袋「遺物」


上週六,楊思琦駕車離開寓所往尖沙咀,為撇記者在路上左穿右插,落車後又發晒老脾怒啤,與平日可愛無知的形象判若兩人,之後她上了一幢商業大廈,逗留近兩小時。


本週二是楊思琦34歲生日,早前返公司出席生日活動,唔知佢嘅生日願望係咪翻撻成功?


收到短訊後,李泳豪把楊思琦幾十袋「遺物」捐去寓所附近的石硤尾救世軍。

五月生日收短訊


李泳豪五月生日,楊思琦趁這段時間向豪仔翻兜示愛。

去年六月,楊思琦背男友劈腿,為吳帥珠胎暗結,被迫二選一,最終以一副無彎轉的態度,高調狠飛拍拖九年的李泳豪。

女都生埋,經手人吳帥卻不聞不問,楊思琦變單身母親,獨力背住養女重責,由美返港重新開始。殊不知,她竟暗地裡翻兜舊水泡李泳豪。
據知,兩個月前,楊思琦曾兩度向前度李泳豪發短訊,撩舊愛復合。

「豪仔五月生日,就喺嗰段時間楊思琦先後send咗兩個短訊俾佢,一個係『I love you』,之後一個係『I miss you』。唔知呢個女人想點,當日豪仔唔計較佢偷食,求佢復合,但楊思琦企硬,仲講到好似唔好阻佢發達咁!豪仔好辛苦先放得低呢段九年長嘅感情,而家佢仲搞呢啲咁嘅嘢!就因為楊思琦認為豪仔係可以任由佢擺布嘅人!豪仔家人同朋友都好擔心,大家都勸佢要清醒啲,唔好心軟。」知情者爆。

丟舊物證死心


被楊思琦及新女Miki情傷後,李泳豪現只專心飄移事業。

楊思琦將自己看高一線,以為舊愛李泳豪會飛不出她的魔掌,會一撻即着。
但經歷過男人最痛的李泳豪,今次終於拒絕復合。
翻撻短訊撻唔着,反而迫使李泳豪下定決心,將拖拖拉拉的關係進一步撇清。
「豪仔起初唔敢同屋企人講,只係同身邊啲好朋友提過楊思琦send短訊俾佢嘅事,佢話今次真係死咗心,覆都無覆。分手成年,豪仔間屋一直仲放滿楊思琦唔要嘅衫褲雜物,唔捨得掉。但自從五月收到個女人嘅翻撻短訊,豪仔反而好似回魂咁,買咗三十幾個紅白藍膠袋返屋企,將楊思琦嘅嘢一袋袋送晒去救世軍,毫不留戀。」

鼎爺爆頭


佢咁做,我好愕然!(真實對白)

楊思琦當李泳豪係救生圈的做法,其實早有前科。去年六月,她扑槌揀定吳帥,向外宣布與李泳豪分手後,也曾發「我仍很愛你,仍很掛念你」的短訊,氹住前度,鋪定後路。但經一事長一智,李泳豪今時不同往日。
對楊思琦發短訊翻撻一事,李泳豪有意維護對方,不肯說出真相,只不斷強調:「總之復合無可能,我放低晒!」
不過,一向直腸直肚的李泳豪老豆鼎爺,反應大不同。「我知有呢件事,我都好愕然,亦有勸豪仔叫佢做男人要灑脫啲,唔好對佢(楊思琦)有咩回應呀!人哋女都生埋,唔好諗!」
當日楊思琦急撇李泳豪無手軟,今日卻主動撩復合,鼎爺亦晒頭!
「我都唔明,究竟佢咩葫蘆賣咩藥?調轉係佢,個男人斷正傷透佢心,轉頭撩番你,你都唔再騷佢啦!咁點解佢仲夠膽send埋啲咁嘅短訊。(楊思琦對泳豪餘情未了?)多×餘!(擔唔擔心佢哋會復合?)God knows!對於佢我無嘢再講,早排奧運宣傳喺公司有見到楊思琦,真情假意都好,佢都主動叫聲我,我亦有同佢say hi,大家好嚟好去就算,希望佢唔好搞咁多嘢!」

與吳帥未甩

搞小動作想翻兜舊愛的同時,無綫內部卻傳出楊思琦跟吳帥未有真正分開。
據了解,吳帥因債務問題,一度跟當時身在美國的楊思琦鬧翻,但產女後已修好。至於拋妻棄女的「情節」,原來只是煙幕!
有指楊思琦在高層獻計下,以一個可憐單親媽媽身份搏同情,既可急救偷食加大話的插水形象,也有助刺激大眾同情心,搏有更多搵錢機會。
「吳帥周身屎,楊思琦知道黐住佢返出嚟,形象唔會討好。反而單親媽媽嘅可憐形象,可以幫佢事業反彈。高層仲勸佢等將來負面感覺凋淡晒,先公開番同吳帥關係。佢同吳帥依家多數會喺大陸見面,但一定好小心。」無綫內部工作人員爆料。


為搞噱頭,無綫搵楊思琦為奧運講跳水,食番佢同前香港跳水隊成員吳帥生女嘅新聞。


楊思琦返港復出,有高層樂易玲幫她鋪路,打救插水形象。


有傳楊思琦跟吳帥已關係復和,但她繼續以單親媽媽身份攞分。

搵銀撻Q

釣錯金龜的楊思琦,美國產女後宣布做單親媽咪,諗住扮可憐搏同情,可惜形象太負面,廣告客戶唔賣賬,奶粉、收身廣告統統接唔到,至今只有一個美容廣告在手;靠出席活動搵錢供樓養女,擔子不輕!


急搵奶粉錢,楊思琦生完女未收身,就兩度著泳衣示眾,其中一次為《五覺大戰》玩下水禮,引客找她拍收身廣告。


楊思琦形容現時約五個月大的女兒楊卓穎腳瓜粗粗,又鍾意jump,言下之意暗示她似足跳水爸爸吳帥。

冇收身廣告

女星生B後,例牌有美容院招手做收身代言,楊思琦產後未收身即以八萬身價急復出,可惜廣告商毫無反應,至今無收身廣告客敲門。

冇奶粉贊助

適值母親節時打親情牌,開到口不介意母女檔接廣告,公司亦刻意安排她做母親節騷主持,她亦在節目中哭謝母親,但一樣於事無補。

收錢活動少

近期在無綫工作量略增,但真正賺錢的品牌活動,不見得比形象插水前多。


本文鏈接:被指傳「I love you」求愛短訊 楊思琦:與李泳豪不會復合