據《壹週刊》第1135期報道，三料視帝鄭嘉穎原來已於2個月前，成功翻撻舊愛佘詩曼。雖然2人保持低調，但春風滿面，實難掩飾。

鄭嘉穎與阿佘於07年拍《法證先鋒II》撻着，拍拖年半，卻因男方不肯大方面對戀情，終至分手收場。但2人分手後，始終保持朋友關係。近月2人關係續漸升溫，不僅在微博隔空傳情，8月嘉穎生日時，阿佘還私下送禮畀壽星仔，關係越來越穩定。

阿佘身邊人說﹕「嘉穎對阿佘始終仲有feel，都有諗計追番阿佘。兩個月前，佢哋正式一齊番，可能分開過，阿佘對同嘉穎再一齊都好珍惜，私下同朋友講，希望今次可以開花結果！」

事業急轉運的嘉穎已經不再如以前步步為營。2人日前拍住拖到新加坡攞獎，他也表現風騷，與阿佘在傳媒面前大方傾偈。知情者還指，嘉穎已應承阿佘盡快買樓，唔會委屈女友咁話喎。

本文鏈接：視帝出擊 承諾買樓 鄭嘉穎佘詩曼復合