評吻功黃宗澤輸蝕
苟芸慧讚祖藍咀感一流
苹果
黃宗澤同苟芸慧玩遊戲好似糖黐豆，未知胡杏兒睇到會唔會眼火爆？
苟芸慧、小儀、徐子珊、沈卓盈、黃宗澤同王祖藍等，噚日喺海洋公園宣傳無綫劇集《情人眼裏高一 D》，幾對劇中嘅情侶仲玩傳遞愛意嘅遊戲同跳彈床，佢哋要面貼面及嘴對嘴傳心形卡紙，苟芸慧即刻成為所有男演員爭相合作嘅對象，就連花旦級嘅徐子珊都一度被冷落。
最後俾王祖藍爭贏咗，可以用嘴對嘴嘅方式同苟芸慧玩傳卡紙。事後苟芸慧話為咗劇集宣傳，都玩得好開心，問佢拍劇時係咪都會咁樣，佢話：「咁玩大家先會有氣氛，我唔係太介意，不過初初真係有少少唔慣。」
苟芸慧話喺劇入面會同黃宗澤、王祖藍有接吻戲，佢話原來王祖藍嘅咀感好好，女主角徐子珊雖然被搶鏡，但佢就話一啲都唔介意，仲話：「正常 o架，喺劇入面佢同小儀都一樣搶手。」
王祖藍同苟芸慧嘴對嘴傳卡紙，表情勁冧。
有份演出《情人眼裏高一 D》嘅沈卓盈，以短褲搶鏡。
宗澤唔怕杏兒呷醋
此外，黃宗澤喺咀功方面輸畀祖藍，但佢話輸得心服口服，因為祖藍個嘴唇又厚又軟。宗澤又讚小儀好咀過苟芸慧，即使同女友胡杏兒相比，佢都話小儀最好咀。問佢擔唔擔心杏兒嬲？佢話：「驚咩呀，冇有怕。」
徐子珊預咗遭冷落
太阳
黃宗澤、徐子珊、苟芸慧及王祖藍等，昨日到海洋公園宣傳新劇《情人眼裏高一D》。玩遊戲時，男藝人爭着與苟芸慧及小儀拍檔，令子珊備受冷落。
子珊則不介意不及苟芸慧及小儀搶手：「一向都係咁，我哋鍾意啲特別嘢，我都會揀祖藍唔要黃宗澤啦！」黃宗澤則坦言沒有為緋聞女友胡杏兒預備情人節禮物：「佢唔喺香港。」他又表示跟小儀有咀戲，並讚她比杏兒好咀！
此外，苟芸慧和王祖藍在劇中演情侶，不怕被封「美女與野獸」，因兩人的擇偶條件均以內在美為主。
徐子珊變籮底橙
东方
徐子珊、黃宗澤、苟芸慧及王祖藍等昨日到海洋公園宣傳新劇《情人眼裏高一Ｄ》，當去到遊戲環節時，眾人即爭着要跟苟芸慧做拍檔，令徐子珊備受冷落，事後徐子珊笑謂：「唔介意，一向都係咁。（阮小儀都搶手過你？）都係正常嘅，我哋鍾意啲特別嘅嘢，我都會揀祖藍唔要黃宗澤啦！」情人節將至，子珊表示難得當日放假，父母又在香港，所以會陪他們。問到黃宗澤可有為緋聞女友胡杏兒預備情人節禮物？他笑謂：「冇！（老夫老妻唔使？）佢都唔喺香港，所以初一會自己過。」
