謝天華闖內地惡鬥鄭嘉穎

「Laughing Sir」謝天華日前在北京勇奪「最佳角色獎」,擊敗「宿敵」鄭嘉穎,劇集更獲逾億網民點擊,非常威水,令他更有信心闖內地再與嘉穎鬥戲,並講笑說目標是500萬元酬勞一集!

謝天華早前憑劇集《潛行狙擊》的「Laughing Sir」一角,在北京獲頒「優酷港台年度最佳男主角獎」,擊敗憑內地劇《步步驚心》紅爆的鄭嘉穎,彌補早前失落無綫視帝之恨。《潛》劇更成為唯一港產劇打入「十大劇集」,網上點擊率數以億計,十分誇張!天華說:「內地大部分電視台都未播,要上網睇,都有咁好成績,證明內地觀眾好鍾意Laughing。」而《潛》劇監製莊偉健、編審歐冠英、以及正拍攝《名媛望族》的劉松仁及陳玉蓮這日齊齊「過廠」,與天華分享喜悅。


謝天華擊敗鄭嘉穎,在北京奪獎,為他到內地發展打下強心針。

預咗再傳不和

此獎為將到內地發展的天華打下強心針,問到會否趁機加價?他說:「第一次到內地拍劇,未有表現就加?打穩陣腳先!」對於有傳「死敵」嘉穎收20萬元酬勞一集,天華闊佬懶理地說:「都係傳啫!我都可以開500萬元一集,傳聞唔使理,總之今次係合理地滿意。」對於將與嘉穎合演以春秋戰國為題材的劇集,天華表示已預計再被傳不和。


《潛》劇監製莊偉健(左)、編審歐冠英(中)、以及劉松仁及陳玉蓮齊與天華分享喜悅。

謝天華與鄭嘉穎(左)之前曾被傳不和。

信港產片有fans

另外,電影版《LAUGHING GOR之潛罪犯》將上映,與荷里活及內地猛片對撼,有獎加持的天華信心滿滿,相信純港產片有忠實fans,但拒與上集逾千萬的票房比較。早前他曾表示怕做爛Laughing系列,問到獲獎會否改變念頭?他若有所指說:「觀眾鍾意,但唔知高層點睇喎!(拎咗最佳劇集!)可能高層鍾意個劇種,但未必鍾意啲角色呢!」


本文鏈接:謝天華闖內地惡鬥鄭嘉穎