軒仔撐張繼聰斥無綫不公平
張敬軒昨日出席耳機品牌Sennheiser活動，聯同一眾模特兒行Catwalk示範新產品，而軒仔是該品牌的首位代言人，其過去演唱會上的三支咪便是使用該品牌的。被問到是否省下不少？軒仔笑言：「三支咪係自己買㗎，一支都要八萬蚊，所以啲代言人酬勞都畀番一半出嚟！」
有傳Kay被無綫「誅九族」，更連累張繼聰。（資料圖片）
謝安琪連累老公
講到同是環球又是軒仔的表舅母謝安琪（Kay）因亮相有線，有傳被無綫「誅九族」連累老公張繼聰，可認為無綫小器？軒仔謂：「唔可以話小器，但佢哋係獨立個體，而阿聰係好珍惜無綫畀佢嘅機會，做節目好有心機，如果係真嘅話，對阿聰係有小小唔公平。」連累好友Kenny？軒仔即笑言：「佢係我貴親呀！唔會啦！」
因Kay與無綫已約滿，而軒仔的合約要到年中才完結。若唱片公司提出要求，他可會亮相亞視或其他媒體？軒仔謂：「唔違反同其他公司合約都會，但呢一刻我有合約就唔會囉。」軒仔稱現電視已非主流，反而有六成的宣傳渠道都集中在網上世界。
對於有傳張繼聰被妻牽連遭無綫封殺，阿聰經理人表示會投無綫信任一票，不想外界太多誤會和揣測。
昨日無綫給傳媒的《博愛歡樂傳萬家》通告，張繼聰榜上有名兼任隊長，阿聰經理人回應，表示因撞通告早已推辭，無綫亦知道，但不清楚為何通告有阿聰的名字，而阿聰與無綫關係很好沒有改變。
文：音樂組
