於劇集《五味人生》中，由安仔飾演的馬永禎，是一名又勢利又市儈又貪婪的老千，但現實中的他卻原來是一個勤奮努力、腳踏實地的演員，在安仔二十多年的演藝生涯中，嘗盡了「鹹、酸、苦、辣、甜」這5種味道，而當中經歷得最長時間，就是鹹及酸。
鹹—搵錢盲牛自怨自艾
安仔形容工作上的鹹，是鹹苦，就是當自己很努力去工作，但回報卻不成正比，而這段時間，不是在剛入行，而是在播出令他人氣急升的劇集《誓不低頭》後。「大約係1990年至1995年呢個階段，會覺得好想搵多錢，好想擁有多物質，但又冇。做就不停咁做，成日希望冇名都有錢，但兩樣都冇時候，就會覺得我仲要捱幾耐呢？呢個階段好苦。」回想當年的鹹苦，安仔的言語中，似有一點苦澀味。
酸—叫好不叫座霉足10年
鹹的階段除了鹹苦外，亦有酸，而這些酸，更足足維持了10年之久。「酸，莫過於你會同人比較，例如係同你一齊出道人，有好多已經成為天王級，但你仍然好似原地踏步咁，呢個係比較心酸。其實我維持唔係好耐，只係10年時間，如果你對於一個呢行運作20年人講，10年都只係一半時間，好好喇，因為你醒到嘛，跟住你打後10年你都會做得好開心。（有冇諗過唔做？）又唔會，後生仔個心態係唔忿氣嘛，唔會話諗唔做。」
苦—不甘被新人後來居上
沒錯，安仔於《誓不低頭》中演奸角的確深入民心，但可惜他後來事業卻停滯不前，看當時仍籍籍無名的黎明及鄭伊健等從後居上，怎可能不心酸？
問安仔如何捱過這段心酸期，他說：「明白個遊戲規則，明白個階段、明白每個人際遇係唔同，我唔會遇到一真係幫到我人，或者係我自己真係冇咁料，人有，咁呢樣係體驗，要靠自己去開竅，成日都會帶住個心酸鬱結去睇人成功，就永遠睇唔到自己爭咩，越早開竅就越快過。」
辣—頂硬上做高難度動作
心理上有鹹有酸，要識得開竅才能過得快樂，但身理上，安仔則無論有幾苦有幾辣，但仍要頂硬上！「有打戲要你打足一日，好苦！打足一日，我記得拍《天下第一》陣，當時程小東係動作指導，只要佢日同你講『拉定筋啦！』刻就會知道今日過得好苦！（辛苦到喊？）都有呀，入行冇耐，成日要面對難度好高，以前係冇咁多特技，要真人做，十幾樓跳落你就真係要跳，你條命完全係交畀佢，成日聽到話邊個斷『威』跌落入醫院，你會怯會驚，日就會過得好漫長，呢感覺好苦。至於辣，則係冬天要落水，試過冬天北京落住雪都要落水，而夏天就要好厚衫扮冬天，呢真係辣得好狠，但你又冇得話唔做。」
甜—阿旺帶挈名利雙收
經過十多年來一點一滴的鹹、酸、苦、辣，安仔從這四種味道中，醞釀了「阿旺」帶給他有名又有利的甜。「阿旺帶畀我好多好開心時間，開心係我個人長大，而我長大時候我又搵到錢，咁我識得去珍惜我搵到，觀眾又支持你。其實如果太早畀我得到可能我唔識得去珍惜，呢個時間好好。」
除了「阿旺」的甜外，與太太歐倩兒結婚及有了兒子郭令山，亦是安仔從工作以外中最甜的事情，安仔表示打算兩年後再會跟老婆「追多個」，相信成事後，安仔又會多一份甜味！