MC Jin將接替鄧健泓做《勁歌》主持。

陳志雲涉貪被捕後，一眾迷雲黨成員的前途也凍過水。其中曾喚陳志雲為 honey的鄧健泓，已落實被踢出《勁歌金曲》主持之列，由下月中開始將由歐陽靖（ MC Jin）接替。

陳志雲因為涉貪被無綫暫停業務總經理職務，連帶一班被稱為迷雲黨的愛將如崔建邦、鄧健泓（ Patrick）和張繼聰等也盛傳受牽連，其中崔建邦去年 12月涉嫌毆打前女友鄺敏慧後，官非纏身，無綫方面的工作早被全面叫停，主持《勁歌金曲》一職本交由陳志雲另一愛將鄧健泓，但據本報接獲消息，最近鄧健泓也無得留低，在下月中鐵定被飛出《勁歌金曲》，下月 16日晚開始播映的《勁歌》，將由歌手歐陽靖接替。

迷雲黨成員之一的鄧健泓（左），下月中將被飛出《勁歌金曲》之列。資料圖片

曾叫陳志雲做 honey的鄧健泓，事業危危乎。資料圖片

監製稱改革

記者昨日致電《勁歌》監製麥鎮東求證時，他直認說：「係呀，《勁歌》下個月會換主持，係 MC Jin做，因為 Patrick要入劇，拍材叔（梁材遠）監製嘅《隔離七日情》，所以佢做到 4月中就唔做 o架啦。」《勁歌》現階段換主持，難免令人覺得鄧健泓是迷雲黨成員才被換掉，對此麥鎮東說：「佢真係要入劇，而且嚟緊《勁歌》要改革，可能要出外景， Patrick入咗劇之後會好難度期，所以我哋先至換主持啫。」有傳《勁歌》有意安排田蕊妮與 MC Jin拍檔做主持，但麥鎮東否認說：「呢個唔係，但我哋有可能會搵嘉賓主持都唔定。」
記者昨日曾致電鄧健泓，但至截稿前未獲回覆。此外， MC Jin昨日與鄭融等到港台出席「第二十一屆國際流行音樂大獎」訪問活動，鄭融表示近日成立了一個拍賣網站，將拍賣後的金錢捐予慈善機構，關心妍也有份捐出物品拍賣支持。
採訪：林妃　攝影：彭琮然