鄭中基同阿 Sa喺 04年拍攝《追擊8月15》撻着，鄭中基之後仲喺手臂上紋上愛的紋身。
資料圖片

自從劉德華同朱麗倩上年俾本報踢爆08年喺美國拉斯維加斯秘密註冊結婚之後，藝人結婚已經冇得好似以前咁神不知鬼不覺。馮仁昭噚日收到可靠消息，話38歲嘅鄭中基（Ronald）同27歲嘅蔡卓妍（阿Sa）呢一對，原來06年1月30日已經喺洛杉磯註冊，即係仲早過劉華同黎明㖭！

有傳06年1月，阿Sa帶埋Sa媽去美國洛杉磯會合鄭中基同佢爸爸鄭東漢(右圖)，阿Sa仲同男友喺當地註冊。
資料圖片

雙方家長齊集美國

阿Sa（箭嘴示）05年俾本報偷拍到夜訪鄭中基屋企。
資料圖片

馮仁昭翻查資料，原來當時的確有傳Ronald同阿Sa秘密飛咗去美國幽會，仲話 Ronald帶埋老竇鄭東漢飛去美國探阿媽同細妹，又邀請阿Sa同Sa媽安排見面，時間上兩件事又真係好夾，一家大細咁大棚人喺晒美國，真係要舉行人生大事亦唔出奇。

Ronald同阿Sa喺04年拍攝電影《追擊8月15》嗰陣時日對夜對，終於擦出愛火， 05年仲俾我哋撞破阿 Sa漏夜到訪男友深水灣道大宅度春宵㖭！

仲記得06年頭無綫舉行嘅《勁歌頒獎禮》，Ronald憑《無賴》爆冷奪得金曲金獎，劉華仲整蠱佢同阿Sa，狂叫佢哋結婚，當時Ronald死口話「我冇結婚」，o依家睇番佢咁大反應，算唔算係此地無銀呢？事到如今，突然有人爆佢兩個其實06年已經結咗婚，今次唔知佢哋又認唔認呢？

阿Sa鄭中基宣布分手

【19:09】2010年03月17日
蔡卓妍（阿Sa）在北京出席電影《美麗密令》記者會時，親口承認與鄭中基已分手，她說：「我哋係因了解而分手，同第三者無關，無需要太多揣測，好享受依家忙碌的生活，寄情工作。」
至於鄭中基目前身在上海，他透過助手回覆，承認與阿Sa已分手一段時間，希望全心全意投入工作。