鍾嘉欣堅拒影床照

鍾嘉欣表示一定拒絕男友拍床照的要求，以保護自己。

鍾嘉欣、陳柏宇與安志杰昨日出席在太古城舉行的手提電話活動，剛有被指是黃長發的床上慾照流出，問鍾嘉欣手電會否存有親密照？嘉欣說：「因為係藝人，所以電話入邊唔會有好親密嘅相，做藝人始終都要小心啲，普通人影呢啲相就冇乜所謂。」

柏宇自爆冇性愛

嘉欣表示如果有男友最多都只會與對方影攬攬錫錫的照片，床照一定不會拍，她笑說：「如果男友要求一定會拒絕，會同佢講睇真人唔夠，仲要影相？點都要保護番自己。」
陳柏宇就覺得沒必要拍下與伴侶性愛的片段，他笑言：「我喺家連性愛嘅機會都冇，又點會拍呢啲相。」柏宇不明拍攝者是何等心態。
採訪、攝影：胡比

高海寧胸戰唔認輸

高海寧（左）與沈卓盈拍住上，以性感搵銀。

沈卓盈、高海寧昨日以火辣性感女戰士造型，到銅鑼灣出席電玩遊戲《戰地風雲：惡名昭彰 2》活動，二人替男戰士臉上塗上迷彩顏料，及試玩新遊戲。沈卓盈夾胸露小蠻腰，風頭蓋過高海寧，但高海寧不覺自己輸蝕，她說：「佢一向都靚，件衫係大會安排，我條腰都好瘦 o架，各有各靚啦。」

女仔要自保

沈卓盈表示上衣有點緊，已做足安全措施，她說：「已經黐晒膠紙，但都會見到少少膠紙邊，頭先都有啲走位，要擰轉身整理。」對於有被指是黃長發的性愛片段流出，問二人會否拍性愛片？她們即說：「梗係唔會，女仔要識保護自己。」
採訪：溫敏芝
攝影：陳俊強