阿姐孖家英哥報喜訊
102歲六叔精靈團拜

港姐冠軍劉倩婷（右）和亞軍李姿敏陪伴六叔入廠團拜，六叔精神奕奕，還揮手問好。

昨日是大年初一兼情人節，汪明荃（阿姐）和丈夫羅家英返無綫，親自邵逸夫（六叔）的開工利是。阿姐拉着家英哥到六叔跟前高呼：「我要介紹我老公畀你識，我舊年結咗婚。」年屆 102歲的六叔非常精靈，除眼仔睩睩向財神利是外，又摸着身旁港姐劉倩婷的手仔，活力充沛又精靈。

現年 102歲的邵逸夫雖然已卸去無綫電視行政主席職務，但昨午仍如常到將軍澳電視廣播城亮相無綫節目《虎虎生威賀新歲》新春團拜，六叔精神奕奕，身穿棗紅色唐裝，由港姐冠軍劉倩婷和亞軍李姿敏陪伴入廠，步履輕鬆。
待六叔坐定後，汪明荃即率先向六叔拜年，並親吻他的面頰，然後爭取時間向六叔報喜，阿姐拉着羅家英到六叔面前說：「我要介紹我老公畀你識，我舊年結咗婚。」六叔得悉後也咪咪笑。
節目期間，六叔不時四處張望，趣劇和賀年歌環節時更看得他笑逐顏開，又不時摸摸坐在身旁的港姐冠軍劉倩婷的手。

阿姐與丈夫羅家英（右）向六叔拜年報喜，六叔雙手握拳恭賀。

六叔不時把玩劉倩婷手上的手鈪，細心研究。

利是拎完又拎

黃長興偕呂慧儀和張美妮演趣劇，睇到六叔笑笑口。

尾聲時，六叔接財神，還主動伸手無綫的兩元開工利是，雖然動作較緩慢，但六叔依然機智，接過利是後即轉贈阿姐，然後繼續拎利是，阿姐說：「阿 sir畀我呀？多謝。」六叔離開錄影廠時，主動向觀眾席揮揮手，精神和動作比早前台慶還要靈敏。
昨日有大班藝員如王祖藍和曾華倩等派開工利是（詳見附表），而阿姐和羅家英婚後昨日首次派利是，阿姐說：「羅家英專登嚟見六叔，因為六叔 100歲時畀過封利是佢，今年六叔 102歲，好想見吓佢。」羅家英說：「婚後第一次派利是，都 64歲，好激動。」節目中，生肖屬狗的羅家英被指有個惡老婆，他說：「我驚 o架，有個女人好惡，不過唔講都係 o架啦。」
劉倩婷談到被六叔摸手仔時說：「六叔同我傾偈，話時間過得好快，捉住我隻手係因為佢想睇我隻好閃嘅手鈪。」
採訪：卓寶花
攝影：仇志德

話你知：藝員廣派開工利是

無綫開工利是　$2
王祖藍　$20
汪明荃　$20
羅家英　$20
呂慧儀　$20
謝雪心　$20
曾華倩　$100
麥玲玲　$100

曾華倩

謝雪心