陳志雲：世盃轉播權未解決

陳志雲昨日訪問無綫前高層馮美基，交換禮物及管理心得。

無綫收費台節目《志雲飯局》昨日在尖沙嘴錄影，陳志雲邀請了無綫前高層馮美基任嘉賓，二人互相交換禮物。

稱張繼聰非炮灰

南非世界盃轉播權備受關注，日前有線一眾高層直踩無綫密會方逸華，惹起講數揣測，陳志雲否認說：「冇，真係嚟拜年咋，政府都好積極想大家可以傾吓，我都希望可以睇到世界盃盛事，但暫時未有新進展，相信只有民眾力量可以影響到。」
此外，有傳張繼聰因老婆謝安琪頻亮相其他媒體而觸怒無綫，令張繼聰在無綫的工作受牽連被抽起，陳志雲否認其事，還表示張繼聰有份主持節目《正識第一》在計劃開拍第二輯時已有意加入新元素，與謝安琪無關。
採訪、攝影：卓寶花

曹敏莉勸黃長發小心

曹敏莉（左）、陳法蓉等噚日喺金鐘出席攝影展，講到無綫新劇《老公萬歲》嘅部份內容同《真的戀愛了》（ Love Actually）套戲好似，有份演出嘅佢話：「劇集同電影成日都有類似劇情，最緊要好睇同收視好，多人睇先有 noise，話似啫，冇乜所謂。」曹敏莉前緋聞男友黃長興胞弟黃長發近日被指係手機淫片男主角，她就話：「年輕人做事要小心啲。」