陳敏之睇中馬德鐘放心親熱

馬德鐘和陳敏之在劇集《搜下留情》中，與陳慧珊陷入錯綜複雜的三角戀，關係糾纏不清。馬德鐘接受專訪時坦言曾情陷三角戀，卻落敗收場；而陳敏之則理性地急急斬纜。

陳敏之理想對象是馬德鐘的類型，顧家又上進。

現在已公認為型男的馬德鐘，想不到年少時卻是薯嘜戇男，求戀時常碰釘，他說：「以前都有試過三角關係，不過，次次都係我輸嘅，因為以前外形好瘦削、又細膽，最緊要係講嘢唔得，唔識氹女仔，所以女友都係畀人撬走，好在入咗行之後，人成熟咗，慢慢改善咗講嘢。」

陳敏之則追求簡單關係，決不會讓自己陷入三角戀，她說：「以前有個男朋友識咗第二個女仔，畀我知道咗，我即刻飛咗佢。」

陳敏之與馬德鐘老友鬼鬼，開工默契十足。

沒想到型男馬德鐘，年少時十分薯嘜。

馬德鐘錫老婆

現時單身的陳敏之首要擇偶條件是專一，陳敏之指在旁的馬德鐘正是她心目中的「樣辦」，她說：「好似阿Joe咁就最好喇，有上進心、又顧家，對老婆又細心，你有冇見過男人會幫老婆整頭髮呀，阿Joe好叻㗎。」

劇中扮演情侶的馬德鐘與陳敏之有不少親熱戲，本身十分老友的兩人會否尷尬？陳敏之說：「唔會，反而事前唔使特登去溝通，好放心，因為有默契，拍起上嚟好自然。」

採訪：影視組 攝影：劉智源
馬德鐘服裝：Zadig & Voltaire
陳敏之服裝：iijin
化妝：Vena@Beauty Tech
髮型：Marco@Hip

與陳慧珊爭馬德鐘
陳敏之寧做幸福蠢女人

陳敏之寧選擇有上進心的男人，也不願戀上職級比她低的男友。

在無綫劇集《搜下留情》內，馬德鐘和久休復出的陳慧珊與陳敏之發展三角戀，馬德鐘對能否與陳慧珊再續未了緣大賣關子。他在劇中艷福無邊咀戲連場，卻大嘆辛苦，直言寧願打死好過錫死，愛得理智的陳敏之則為保愛情，寧願做幸福蠢女人。

馬德鐘、陳敏之和陳慧珊在無綫劇《搜下留情》中，發展出一段三角戀，談到呢段關係，馬德鐘日前接受本報記者專訪時說：「劇中陳敏之係一個完美嘅女朋友，雖然佢係幫辦，我係沙展，好多人都話我襯佢唔起，不過敏之唔介意，仲對我好好，我諗觀眾睇完都讚呢個女仔冇得頂。」

馬德鐘呻苦

（左起）陳敏之、陳慧珊與馬德鐘在《搜下留情》陷入三角戀。劇照

馬德鐘續說：「我同陳慧珊一齊就好似搵番自己，相處好開心，重拾自信。」問到今次會否再續《衝上雲霄》的未了緣？馬德鐘大賣關子笑說：「唔講得，就算你問我現實生活會點揀，我都怕自己嘅決定會透露咗個結局，我只可以話結局幾引人入勝、扣人心弦。」
提到劇中艷福無邊的接吻戲，馬德鐘竟大嘆辛苦，他說：「千祈唔好話益，其實男藝人拍呢啲戲真係辛苦，好彩今次同佢哋兩個熟，又互相信任，如果遇上啲唔熟好容易以為係想博懵，又或者走去借呢啲新聞做宣傳，咁就好麻煩，好彩我未遇過呢啲人，所以有時寧願打到死都唔想錫死。」
劇中被視為完美女友的陳敏之，講到女尊男卑的感情生活，有感而發地說：「雖然我覺得鍾意一個人，係唔計較階級同埋收入，但係諗深一層真係有問題，好似大家喺同一行做嘢，冇問題嗰陣梗係唔介意，但係個個男人都有自尊心，一旦有問題出現，再加埋身邊啲八婆去講，遲早會出事。」

要有上進心

馬德鐘日前盛讚陳敏之在新劇中演繹完美女友，簡直冇得頂。

陳敏之寧願做蠢女人，她說：「現實生活我諗我唔會選擇一個職級比我低嘅男友，我寧願揀一個有上進心又唔同行業嘅男人，大家返到屋企可以講其他嘢。我覺得有時做女人唔可以太強，所以我返到屋企即刻變咗第二個人，唔會太 tough同精叻，點都係蠢女人幸福啲，如果女人太精叻最後傷害會大啲，所以我會選擇做弱者。」
採訪：何慧斯　攝影：仇志德
化妝： Vena of Beauty Tech（陳敏之）
服裝提供： iiJin（陳敏之）