陳法拉諸葛梓岐隔空開火

諸葛梓岐踢爆陳法拉與Neway太子薛世恒已婚，被法拉怒斥博宣傳，梓岐即反擊「邊個搞出嚟心知！」法拉則直指對方所講是無謂事！

外界一直盛傳梓岐與法拉兩位「未來妯娌」不和，現為有傳法拉已結婚一事，正式隔空開火！有感被屈的梓岐，昨日不吐不快：「話我博見報，我覺得好委屈、好唔開心！講家教都係講自己，佢應該回應番自己嘢，唔好攞其他人嘅嘢嚟講，佢咁高調係此地無銀，所有事邊個搞出嚟心知啦！希望佢唔好誤信出面謠言攻擊我，就快新年，希望新年冇是非，新年快樂！」

梓岐嬲爆，未知薛嘉麟可有氹番？資料圖片

林子聰抱着譚真一兼孭着諸葛梓岐，認真厲害！

結婚要向親友交代

梓岐前晚出席時裝騷時表示，一定不會秘密結婚，似有弦外之音！問到會否覺得「收埋好小家」？她說：「我唔敢講係，自己就唔會！（要同親戚交代？）係呀！有好多親戚，想唔搞都冇得唔搞！（會唔會叫法拉做阿嫂？）見到會叫佢個名，或者叫佢Laughing嫂，叫阿嫂好似叫老晒，叫聲Hello咪得囉！開心幸福就得！」另外，梓岐最近與林子聰及童星譚真一合作電台劇，梓岐更大談新年願望：「我虎年想賺多啲錢，買一間超級大屋送畀屋企人！」

對於被梓岐暗寸「邊個搞出嚟心知」，法拉昨日接受電話訪問時說：「要講嘅嘢我已講咗、回應晒，我唔會再回應啲無謂嘢，佢講嘅嘢我以後都唔會再回應！我工作係做演員，唔係回應佢！（係咪已婚？）我唔會回應，我唔想攞呢啲嚟做新聞！」

法拉與梓岐隔空開火，鬥爆比劇集更「甘」的金句！

法拉諸葛罵戰升級

名模諸葛梓岐（Marie）被指踢爆陳法拉的婚訊，法拉隔空指對方博宣傳，辣着火頭。Marie昨日出招反擊法拉，着對方勿誤信謠傳而對她作出攻擊！而法拉則揚言不回應無謂嘢，罵戰正式升級！

無綫小花陳法拉與Neway太子薛世恒的婚訊甚囂塵上，日前Neway二太子薛嘉麟的名模女友Marie被指言語間踢爆兩人的婚訊，惹來法拉隔空暗指她「抽水」博宣傳，更盛傳兩人的不和已呈白熱化。

Neway太子薛世恒與法拉打得火熱。（資料圖片）
「此地無銀」

自言有看到相關報道的Marie，接受訪問時，表示感到超委屈，她鄭重澄清：「從來冇咁講，講家教都係講自己，佢應該回應自己嘅事情，唔好攞其他人嘅嘢嚟講，佢咁高調係此地無銀，我冇講過佢結婚！」講到被法拉指不知靠甚麼時，Marie坦言感到不開心：「所有事邊個搞出嚟大家心知，希望佢唔好誤信出面嘅謠傳而攻擊我。」Marie又補充農曆新年快到，希望少些是非。

而法拉在電話訪問中，表示已交代回應，亦無意重複一次，她說：「感覺同尋日一樣！」她續說：「唔會回應無謂嘢！佢講嘅嘢我以後都唔會回應，我嘅工作係演員，唔係回應佢！」大有再「潤」Marie之嫌。當被再追問是否已婚，法拉繼續避談：「唔回應喇，唔想攞呢啲嘢嚟做新聞。」

諸葛梓岐句句有骨說：「所有事邊個搞出嚟大家心知。」

唔叫阿嫂照逗利是

此外，Marie前晚應邀出席I.T舉辦的mercibeaucoup,2010春夏時裝展時成為傳媒的追訪對象，當被問到有否飲過法拉的喜酒時，她表示沒有，再被問到會否稱呼對方為阿嫂，她則謂會叫她為Laughing嫂：「叫阿嫂好似叫到老晒，叫聲Hello咪得囉，開心幸福就得。」會否向對方逗利是？Marie坦言會，而她本人也會派利是。

Marie被問到結婚會否秘密進行，她謂開心事會跟大家分享，但暫時未有結婚計劃，問她會否覺得將結婚事「收埋」很小家，她回應時相當謹慎：「我唔敢講係，人哋嘅事，自己嘅就唔會。」

陳法拉對於被指已婚，一直採取迴避態度。（資料圖片）