非洲之旅悟前非
崔建邦嘆港人自尋煩惱

黃家強和崔建邦抵港接受訪問，邦邦明顯對有線的咪牌表現避忌。

早前涉打傷女友的崔建邦完成非洲的探訪，昨午回港時較之前明顯淡定大方得多。邦邦分享今次探訪體會到知足常樂，不明為何香港人常為雞毛蒜皮的小事而煩惱。

崔建邦與黃家強早前隨阿彌陀佛關懷中心到非洲當義工兼探訪，昨午返抵香港，兩人一臉疲態，但崔建邦卻一直面帶笑容，明顯較離港時寬容得多。兩人一同接受記者訪問，提到此行前往當地孤兒院探訪，崔建邦說：「遲啲會有個相片展，家強帶咗好多相機去，影咗好多相。自己就體會到香港人因為好多事而唔開心，當地小朋友有粒糖已經好滿足，點解香港人仲要因為咁多好普通同瑣碎嘅事而困擾呢？」
家強的經歷認真難忘，他說：「最難忘咪就係爭啲跌落屎坑囉，因為當地車程好長，途中突然想去，點知個廁所好窄，仲跌親。」

崔建邦前往非洲探訪歸來，昨日見他皮膚黑了不少。

崔建邦離開機場時親自推行李，不假手於人。

難忘狄娜教誨

有線娛樂新聞台記者向崔建邦問到，此行是否已把煩惱事想通，他微笑說：「我冇諗好耐喇。」其後又表示希望帶好友再到當地探訪。有線記者問會否邀請陳志雲同行，崔建邦即轉身禮貌地說唔好意思，示意不作回應，但身旁的家強則說：「要呀，要同佢分享吓。」
未有工作安排的崔建邦又說：「喺香港成日都上網同講電話，去到係完全唔同嘅生活方式，心境平復同平靜咗好多，同城市人重視物質好大對比。」他又提到有時間會探望陳志雲，又稱於非洲已接獲狄娜死訊，他說：「覺得好震驚、心痛同惋惜，之前佢叫我上庭要望法官，又鼓勵我堅強。」
採訪、攝影：藍文浩、黃文偉

金像獎向狄娜致敬

月中舉行的金像獎頒獎禮設悼念環節，緬懷一代奇女子狄娜。

去年尾至今先後有多位藝人身故，包括張沖、吳鶯音、播音皇帝鍾偉明及近日逝世的一代奇女子狄娜。在本月 18日舉行的香港電影金像獎頒獎禮，將一如過往數年，會有一個環節向這班為演藝圈出過力的藝人致敬。
金像獎負責人接受電話訪問時說：「呢幾年都會邀請歌手一邊唱歌，一邊播番呢年身故藝人嘅生前片段作為懷念。舊年嘉賓係王菀之同側田，今年表演者未定。我哋播出藝人片段嘅時間長短都會差唔多，唔會因為知名度高低而有唔同。」何韻詩、陳奕迅等歌手，以往都先後為這環節任表演嘉賓。