馬德鐘慶幸手下留情

馬德鐘慶幸陳慧珊手下留情

曾為警隊G4(保護要人組)隊員、身高6呎2吋的馬德鐘(Joe),是一個不折不扣的型男,可惜幾年前曾和多名女藝人傳出緋聞,老婆張筱蘭在忍無可忍之下,要鬧離婚更帶囝囝馬在驤出走法國,令這位本來人見人的「G4型男」變成人人喊打的「賤男」。

事隔數年,成功「洗底」變回顧家男的Joe,正如他在劇集《搜下留情》飾演的好男人角色。Joe說:「無論咩事都希望大家可以手下留情!」浪子回頭金不換,相信馬德鐘最想大家留手的,不止是訪問前在台上唱Live(現場)時音樂跳線導致他唱歌甩嘴,還有他過去的一大堆緋聞。撰文:霍淇

在劇集《搜下留情》中飾演臥底警察吳仲明的Joe,是一個重視家庭、一等一的好乖孫和好大哥。雖然Joe曾演過多次警察又做過G4,道理上理應該得心應手,但他卻認為「吳仲明」對自己是一個新挑戰。

「今次最難係眼神方面。之前做警察都係非常英明神武好能幹,而且思考好細密,演出眼神好複雜,但呢個我要大家覺得佢好純真、好冇諗、好空泛,要傻傻咁,有別以往警察角色。」

再陷三角關係

今個星期,Joe於劇中將會與女友陳敏之,以及被他調查的陳慧珊發展出三角關係,Joe解釋導致這三角關係的出現並非吳仲明「花弗」所致,相反問題是出於角色在工作上及感情世界中找不到自己。「佢(吳仲明)係一個性格直率,簡單到有戇居警察,雖然佢直覺能力好強,但因為佢做事戇居居,令其他人唔相信佢能力。」
Joe續說:「雖然吳仲明感情上同陳敏之發展得唔錯,但卻遇到來自敏之哥哥阻力,令吳仲明變得相當自卑,二人開始疏離。後來,當吳仲明因工作需要,要調查陳慧珊,卻發現原來同呢個女仔相處都好夾,加上陳慧珊好欣賞吳仲明,令佢得到自我肯定。於是,吳仲明發現原來生活都可以咁舒服,釀成三角關係局面。」

緋聞成過去式

Joe雖然沒有透露吳仲明最後會選陳敏之抑或陳慧珊,但問到他假如現實中有類似情況出現的時候,Joe又會如何作出選擇?沒料到Joe卻被這突如其來的問題嚇倒,笑了一笑後說:「現實中我的確係好難揀,問我會點選擇?一個女朋友對你好到不得了,只不過外來好多因素影響大家相處,兩個人感情開始咁耐,大家都有情有義。另一個又實在係令你往後日子過得好舒服。真係好難揀,揀唔到!」

坦白說,相信現實中的Joe已經揀到,因為打從2003年開始,Joe便開始與陳慧珊、郭可盈、佘詩曼、郭羨妮、葉璇及楊秀惠等扯上關係,那時候的他有個叫「馬不忠」的稱號,老婆張筱蘭甚至和兒子因此出走法國。事隔多年,Joe最終從眾女花旦中,返回老婆身邊,洗心革面做回一個好老公、好爸爸。問到Joe,昔日緋聞是否為他造成很大困擾?他不但沒有皺眉,相反更哈哈大笑說:「其實又唔可以話困擾,但都會影響自己生活,四五年前都過咁多年,唔使再講番出。我家婚姻冇問題,大家都唔使再亂諗。」

後記:解鈴還須繫鈴人

問及馬德鐘最想別人對他手下留情的事情,他用5秒想出一個「大包圍」的答案:「其實無論咩事,都希望大家手下留情,唔好見怪!」
坦白說,若想人手下留情,首要條件是不要到處留情!