馬賽100蚊請客 為供樓慳得就慳

  自從《女王辦公室》出街後,在劇中飾演純情OL的馬賽光速得到萬千宅男的歡心,這位細細粒又好身材,加上與桂綸鎂有九成似索樣的港姐季軍人馬,入行後機會一直不少,短短兩年間,憑自己努力及家人資助,於今年1月以258萬購入清水灣半島一個695呎的單位自住。做業主唔容易,供樓燈油火蠟全部都係錢,所以慳家馬賽唔理「宅男女神」身份,同女親友直闖銅鑼灣時代廣場內的美食廣場,兩個人食到飽唔使100蚊,抵到爛。

  當日,化淡妝戴黑框眼鏡的馬賽,同女親友先到超市Shopping,只見前者不斷在超市的餅乾區域氹氹轉,一臉茫然的她最終要求助職員,得知心儀品牌的餅乾缺貨後,嘴扁扁的她唯有另覓他選。

  女神愛影相

  買完零食後,馬賽帶親友到隔籬的美食廣場食晚飯,「新女神」負責找數兼做侍應,親自將豬頸肉炒河同麻婆豆腐飯送到女親友面前,話晒係宅男女神,所以臨食飯前,馬賽即用電話替晚餐影一張「遺照」然後貼在自家網站中,以相片告知一眾男Fans,佢當日好好胃口。

  採訪︰張詠森、黃俊傑

※無視「宅男女神」身份,馬賽一身樸素打扮到超市入貨。
※無視「宅男女神」身份,馬賽一身樸素打扮到超市入貨。
※兩女齊齊努力揀餅。
※兩女齊齊努力揀餅。
※「宅男女神」親自到美食廣場買嘢食。
※「宅男女神」親自到美食廣場買嘢食。
※仲做埋侍應捧餐返位。
※仲做埋侍應捧餐返位。
※馬賽用電話影晚餐貼在自己網站。
※馬賽用電話影晚餐貼在自己網站。
※馬賽餵女親友食飯。
※馬賽餵女親友食飯。
※馬賽與女親友現身鬧市,馬賽更以100蚊請客。
※馬賽與女親友現身鬧市,馬賽更以100蚊請客。