高海寧磨利刀爭戲

影視進入「3D高清」時代，然而任憑科技如何進步，「聲色藝，靠關係」這條上位方程式從不變樣，的確是有點原始得令人打呵欠，但周潤發、梁朝偉及張曼玉不都是由基本步踏上巨星之路嗎？傅穎、高海寧、徐子珊、陳法拉、張繼聰及羅仲謙等這股影視新勢力，正複製着這條方程式！

高海寧是較遲發力的一位新人，去年9月卸任港姐後，才簽約成為無綫合約藝人，想不到澎湃的「天然胸」，令她接騷接到手軟，被封為新一代「咪神」，更獲導演王晶點名睇好會上位，指她令人有無限性幻想，她笑說：「新一年希望大家唔好只睇我身材，要睇埋我嘅內涵，遲啲會搵老師教我演戲，希望畀啲成績大家睇！」

高海寧不介意性感示人，難怪獲王晶賞識！

高海寧憑天賦的「天然胸」打響名堂，搶盡「峰」頭！

高海寧在《美麗密令》中演殺手，還有機會與阿Sa合作。

2010年，高海寧繼續影視雙線發展：「拍咗《72家租客》同《美麗密令》。（晶哥話搵你拍《潮性辦公室》？）公司安排，希望今年接多幾部電影！健康性感都唔介意。」最近她忙於趕拍新劇《讀心神探》，首次扮演情婦，她直言有點擔心：「現實中未遇過，到時我會嗲啲、投入啲。」對於不少無綫藝人演而優則唱，她自言未夠班：「試過表演兩次，緊張到震，同唱K差好遠，總係覺得把聲唔自然，依家跟老師學唱歌，睇吓遲啲有冇機會出碟。」

姓　　名：高海寧（Samantha）

出生日期：1987年01月13日

必　殺　技：天然胸、唔錫身騷身材

今年作品：電影《72家租客》、劇集《讀心神探》

上位指數：****

專案組

高海寧稍後跟老師學演戲，期望做個內外俱備的演員。

陳智燊羅仲謙鬥拍劇博上位

陳智燊（Jason）是無綫男藝員中少有的「高材生」，在英國長大的他既是古典及現代中國文學學士，亦是全英國排第三的倫敦大學經濟學碩士，能操流利廣東話、普通語、英語、法文及拉丁文，外形俊朗有學識，難怪冧死不少OL！

Jason一向甚少是非及緋聞，他直言一向對女對手有所避忌，這是他最需要改善的地方，他解釋：「有啲人會覺得我好怕醜，其實我係慢熱，但拍戲好多時要同女仔接觸，記得有次同陳美詩拍節目巡禮，因為之前冇溝通，但又要扮情侶，搞到埋位時唔知攬腰好定搭膊好，睇番自己演出……真係差好多！希望新一年喺演技上會有進步！」不過，Jason對司儀工作蠻有信心，最近拍攝明珠台節目《港生活港享受》時卻滔滔不絕，他說：「相對嚟講，明珠台可能會少人睇啲，但對我嚟講就係一個好好嘅鍛煉機會，做明珠台嘅主持工作令我覺得好舒服，反而做大型直播節目就會好緊張，真係要多謝公司畀咗好多機會我，咩類型工作都有得試，希望可以繼續喺主持同拍劇雙線發展！」

陳智燊曾演出劇集，演技有待磨練。

羅仲謙曾與歐陽震華合演《尖子攻略》，獲益良多。

姓　　名：陳智燊（Jason）

出生日期：1977年12月12日

必　殺　技：精通多國語言、怕醜仔

今年作品：劇集《讀心神探》、明珠台節目《港生活港享受》

上位指數：**

電視台常鬧小生荒，為填補空缺，間中會招攬外援加入，有份演出電影《阿嫂》、《跟蹤》及《一半海水，一半火焰》的羅仲謙便是生力軍之一！謙仔由前年開始跳入公仔箱，第一擊便是由排骨仔力谷40吋胸肌，他說：「我每日舉2個鐘鐵，又曬2粒鐘太陽，希望畀人感覺陽光啲！」他首部參與的電視劇《尖子攻略》，即遇上好戲之人歐陽震華（Bobby），其後又與視帝郭晉安合作《古靈精探》，令他獲益良多，他說：「同Bobby、安仔特別有緣，安仔會教我做演員嘅心態，千祈唔好同人比較，因為呢個圈可以容納好多人，唔使羨慕人哋有幾好，先做好自己本分，佢亦好肯教我做戲。」

不少前輩說拍劇是一種「磨練」，時間長、人工低，相對拍電影辛苦得多。對此，謙仔自言捱得，還對電視圈充滿憧憬：「拍第一部最辛苦，因為由唔適應變適應，依家都慣咗。」他表示最近更參與重頭劇《團圓》，他興奮地說：「之前拍完《搜下留情》同舞台劇，依家又忙《團圓》，呢大半年冇抖過，不過愈忙愈開心，工作暫時排到年中。（有冇信心攞『飛躍進步男藝人』？）希望啦！試過一年角逐最佳男配角，希望喺電視劇攞到啲成績！」

姓　　名：羅仲謙（Him）

出生日期：1984年8月28日

必　殺　技：40吋胸肌、陽光大男孩

今年作品：劇集《團圓》、《搜下留情》及一部由焦媛實驗劇團監製的舞台劇

上位指數：**

陳智燊對做主持及拍劇都甚有興趣，希望能雙線發展！