高海寧性格多疑冇拖拍
肖虎犯太歲的高海寧早前拍攝節目《民峰學院》，她當然乘機請教蘇民峰師傅如何化解，並早在立春後已到廟宇攝太歲及洗牙趨吉避凶。
肖虎的高海寧今年犯太歲，她一早已攝太歲趨吉避凶。
她說：「都好多年冇拍拖，新年陪屋企人拜年，拍拖隨緣啦！真係冇人追。師傅講得好啱，我性格多疑，冇安全感，首先要克服咗呢個心理障礙，拍拖先有結果。」
高海寧又指蘇師傅指她要找比她大十年的男朋友：「我都好鍾意成熟啲嘅男仔，好似劉青雲、陳奕迅呢種都好好，好錫老婆。」
陳倩揚為男友炮製情人餐
港姐陳倩揚透露，在過去的大年初一兼情人節，與男友先到長輩家拜年，晚上親自下廚炮製情人節晚餐溫馨慶祝。問到收到甚麼情人節禮物，她說：「大家都冇互送禮物，我哋唔會特登喺節日送禮物，一齊過節已經係最大嘅禮物。」問她可擔心「七年之癢」，她笑說：「唔擔心，我哋啲癢好多年前已經過咗。」
曾任職空姐的陳倩揚透露，今年在港過年利是大豐收，逗得百多封利是，最大封當然是父母的利是：「除咗逗利是，今年派咗四位數字利是，主要係畀啲同事同工作人員，答謝佢哋嘅照顧。」
