高海寧愛攬肌肉男
高海寧昨日拿着繡有高字的鞋,心裏卻記掛着母親送的高跟鞋。
高海寧昨日在鑽石山出席「《高跟.高貴》古今女士鞋履珍藏展」記者會,即場在一隻繡花鞋上繡上一個高字,並為「第一屆美麗狂奔.高跟鞋競跑大賽」擔任起步示範。她昨日特意穿上當年面試港姐時曾穿着過、價值六千元的三吋高跟鞋出席活動,高海寧說:「呢對鞋對我有好大意義,係媽咪買嚟送畀我,都係我擁有最貴嘅一對鞋。」
最好六呎二吋高
目前仍未有男朋友的高海寧希望將來的伴侶是高大威猛型,起碼要有六呎二吋高,她說:「鍾意高嘅男仔,如果第時個男朋友唔夠高,出街拍拖我會着平底鞋就佢,雖然話想搵個夠高度嘅男友,不過揀情人最緊要都係啱 feel,如果將來嗰個係王祖藍咁嘅身材,只要有 feel我都唔介意嘅。心目中嘅好男人係劉青雲,身形好又有肉哋,男人有肉攬住會好舒服。」
採訪、攝影:魯萍、彭琮然
鄧健泓連環失 Honey
鄧健泓( Patrick)噚日去到商台接受訪問,並宣傳新歌《一個人的福音》,呢首歌係講一個人生活可以更精采,由於佢早排同李詩韻甩拖,問到係咪憑歌寄意? Patrick未有否認話:「有時一個人會多啲自由,可以做自己鍾意嘅嘢,家我比較開心同自由。」另外提到「 Honey」陳志雲最近傳失寵同辭職消息, Patrick表示乜都唔知,佢話:「我喺公事上有同佢聯絡,佢係我師傅。」