麥雅緻結婚 嫁張穎康

無綫節目主持麥雅緻今年11月將與同公司藝人張穎康拉埋天窗,兩人日前到婚紗店試婚紗,Angie身形纖瘦,狀態大勇;準新郎則公私兩忙,既忙籌備婚禮,又要狂操變身「人乾」拍新劇!

雖然距離婚期還有一段日子,但麥雅緻(Angie)和張穎康的心情已開始緊張,為籌備擺酒事宜忙個不休,張穎康表示:「呢排為搞結婚嘅嘢好忙,嚟緊我要開劇,因為個角色需要我瘦啲乾啲,所以忙之餘,仲要狂做運動操fit啲。」

麥雅緻嫁張穎康

有云女人結婚等於當了一日公主,即將做「公主」的Angie可謂狀態大勇,試婚紗期間,亮麗可人,身形十分纖瘦,但她仍嚷着減肥:「結婚當日梗係希望以最漂亮嘅一面示人啦!」

朱慧敏鬧笑話

現階段喜帖還在印製中,所以結婚一事還未算公告天下,張穎康笑言之前就鬧出個笑話,事件主人翁正是烏龍得可愛的朱慧敏,張穎康笑言:「有一日,朱慧敏喺化妝間見到Angie,知道Angie結婚,即刻好開心恭喜佢,跟住朱慧敏見到我,我就同佢講我結婚,佢就問我新娘係邊個,我指一指Angie那邊,佢以為係幫Angie整緊頭嘅女髮型師,鬧咗個小笑話,之後佢知道擺咗烏龍,大家笑咗一陣,佢仲話會嚟飲我哋嗰餐。」

麥雅緻 張穎康
一對準新人舉手投足甚有默契。


本文鏈接:麥雅緻結婚 嫁張穎康