在劇集《飛女正傳》內，黃德斌（Kenny）飾演一名幹探，但可惜遇上女超人蔡少芬後，令他信心盡失兼唔忿氣。曾被喻為「港版反町隆史」的Kenny，在娛樂圈打滾9年，最後因在《真情》中演「梁越南」一角冒出頭，但可惜短暫風光過後，Kenny亦因「梁越南」而患上抑鬱症，不過他全靠一塊鏡來治好抑鬱症，再度積極面對人生。

在《飛女正傳》中，Kenny飾演的楊浩然，為人幹勁十足兼紀律性強，縱然Kenny是警隊內的精英，但可惜自蔡少芬飾演的女超人出現後，全城焦點均落在對方身上，令不能接受挫敗的他視為其恥大辱，誓要查出對方身份及擊倒對方來一雪前恥。Kenny笑着說：「劇中嘅我好能幹、好犀利，亦都係一個好強嘅男人，不過遇上女超人後，發現對方快過佢破案，加上又救過佢，令佢嘅自尊受到打擊，就變得好恨女超人，而且更唔忿氣到睇心理醫生。」

演梁越南冒出頭

「唔忿氣」這三個字，相信幾乎所有人亦曾經歷過，現實中的Kenny亦然，他指小時候會因為要他煮飯、洗碗這些雞毛蒜皮的事情而深深不忿，但人長大後就會慶幸媽媽當時把他訓練到將來可獨立生活，自己照顧自己。問他長大後可有覺得「唔忿氣」的時候，他以平淡的語氣說：「大個就要明白冇得唔忿氣，梗係會有時覺得情緒太低落，但其實都係唔忿氣自己。我唔鍾意同人比較，要比都係同自己比，我會諗『點去每一次都做好啲？』、『如果我之前做好啲會唔會唔同！』。」

雖然現時的Kenny明白不能不忿的道理，但原來他曾為這個道理而付上沉重代價，就是患上抑鬱症。1988年從模特兒轉行加入藝員訓練班的Kenny，成名前一直都只是做路人甲乙丙的角色，直至1997年，才因《真情》內的「梁越南」而為人熟悉。可笑的是，這位被喻為「港版反町隆史」（反町）的他，雖然跟反町一樣一劇成名，但兩人的命運卻大相徑庭。其正版的反町在日本走紅至今，但Kenny的風光則屬曇花一現，經歷短暫風光過後，以為自己捱出頭的他卻被打回原形，繼續做一些無關痛癢的二打六，令他信心盡失。回想當日情形，Kenny沒有不忿，仍是用平淡的聲線說：「《真情》嗰陣好似個反應都OK，但就覺得點解工作都仲係咁，冇話有啲咩好角色畀到自己，嗰段時間真係好失落。」

曾患抑鬱好失落

因為當時情緒低落到極點，令到平日給人感覺「Man爆」的Kenny亦敵不過抑鬱症，但得症之時他卻懵然不知，直至後來因為周潤發（發哥），他才發現自己有抑鬱症的症狀。「有一段時期我真係好失落，後尾先知自己可能患有抑鬱性，因我睇過發哥一個訪問，佢話有時睇稿會好緊張，自己同佢講嘅症狀好相似，所以先知道自己患有抑鬱症。」雖然患有抑鬱症，但係Kenny因一塊鏡痊癒。「有日起身照一照鏡，見到自己咁嘅樣就會諗『你咁嘅樣梗係冇得做啦！』，令到我『叮』一聲，之後就開始重新整頓自己，重新出發再嚟過，令我成個人再積極去面對。」

後記：默默耕耘

問到被人感覺沉默寡言的Kenny算不算是個收埋自己的人？他說：「有啲人都會咁講，但我又覺得我唔係好收埋自己，適當時做適當嘅嘢，我唔會好Over（過份）地想畀啲咩嘢人睇！」

或許，就因為這種踏實的個性，令他要在娛圈默默耕耘，亦令他患上抑鬱，但慶幸的是，Kenny最後能以正面的態度面對問題，不致走上末路。