黃金視窗:愛的替身朱慧敏活受罪

【打開天與地】在無綫年度推薦劇《天與地》中,周旋在陳豪和邵美琪之間的朱慧敏,談到在劇中所飾演的 Jessica,朱慧敏說:「佢係一個悲劇人物,愛一個人可以為佢不斷付出,但係因太過無條件,變得有啲歪咗。」可惜劇中朱慧敏仍不能打動陳豪,更發現自己原來只是佘詩曼的替身。 撰文:何慧斯

熱爆討論區的無綫年度推薦劇《天與地》,劇情隨着黃德斌飾演的 Ronnie恢復記憶,佘詩曼得悉他與陳豪和林保怡三人,當年在雪山傷害家明後,令四人關係受到嚴峻考驗,連帶身邊人亦受到傷害,劇情隨之進入白熱化階段。

周旋在陳豪和邵美琪之間的朱慧敏,本來飾演陳豪的上司 Jessica,其後兩人發展一段畸戀,癡心錯付的朱慧敏,雖然在事業上扶持陳豪,事事為男方着想,可惜仍感動不到陳豪,更發現自己原來一直在他心中只是阿佘的替身。

朱慧敏多年來屢次扮演第三者和狐狸精的角色,但她卻不介意,仍默默耕耘。攝影:林德雄 

朱慧敏多年來屢次扮演第三者和狐狸精的角色,但她卻不介意,仍默默耕耘。攝影:林德雄

「愛一個人不斷付出」

朱慧敏日前接受訪問,談到在劇中所飾演的 Jessica,她說:「佢係一個悲劇人物,愛一個人可以為佢不斷付出,但係因太過無條件,變得有啲歪咗,嗰個男人可以為錢同另一個女人結婚,從來都冇諗到身邊女人嘅感受,雖然呢個係佢嘅選擇,不過係咪要愛得咁無奈,何苦呢?愛一個人係咪要咁麻木?我覺得愛情應該係互相包容、珍惜、關心,一段快樂甜蜜嘅戀愛,會令人容光煥發,你見到 Jessica全套戲都唔開心,就明白佢心情。」問到故事最終的發展,她說:「梗係留番畀大家睇,我只可以話喺一個悲劇人物嘅愛情故事畫上一個句號,對 Jessica嚟講,可以叫做鬆一口氣。」

劇中朱慧敏扮演的 Jessica,跟陳豪演的以朗發生畸戀,不乏激情戲。劇照

劇中朱慧敏扮演的 Jessica,跟陳豪演的以朗發生畸戀,不乏激情戲。劇照

邵美琪在《天》劇初段仍未知陳豪背着她,跟朱慧敏有姦情。

邵美琪在《天》劇初段仍未知陳豪背着她,跟朱慧敏有姦情。

拍激情戲手震面青

朱慧敏拍《天》劇時亦要拍處境劇《畢打自己人》(圖),角色截然不同。

朱慧敏拍《天》劇時亦要拍處境劇《畢打自己人》(圖),角色截然不同。

朱慧敏最初接拍此劇時,同時亦參演處境劇《畢打自己人》,兩部不同類型的劇集齊齊開工,她直言是一種挑戰:「嗰陣我覺得自己人格好分裂,但係又好有挑戰性,《天與地》同《畢打自己人》兩個(角色)性格好極端,喺《天與地》個廠,埋位連少少笑容都唔可以有,未到我拍就自己坐埋一邊培養情緒,好少會同人交流,但係入到《畢打》個廠就唔同,所以當時情緒上要處理得好好。」
對於與陳豪戲中的激情戲,朱慧敏說:「拍呢個劇嗰陣真係好緊張,面都青晒,手又震埋,陳豪同阿戚(戚其義)知道之後叫我放鬆啲,唔使緊張,好彩出嚟嘅效果好好,不過最開心係呢場戲唔係用嚟做賣點,反而變咗令大家更加體會到佢哋兩個人嘅內心世界。」

港姐亞軍 拍劇圓夢

04年朱慧敏參選港姐獲亞軍,闖進娛樂圈改變一生。

04年朱慧敏參選港姐獲亞軍,闖進娛樂圈改變一生。

由 04年當選港姐亞軍至今,朱慧敏先後參與過不少演出,令她從小想做演員的願望成真,她坦言覺得很幸運:「我好細個已經夢想做演員,雖然過程係好辛苦,搵錢亦唔算好多,但係可以畀我有機會試唔同嘅角色。我記得讀書嗰陣,作文嘅題目係《我的志願》,當時我想做警察、老師同律師,最後我選擇做演員,因為做演員唔單止可以實現到呢啲志願,仲可以試好多唔同嘅角色。」

感激戚其義

朱慧敏更說:「其實最初公司希望我向主持呢方面發展,所以啱啱入行嗰幾年,劇集演出機會唔多,阿戚(戚其義)可以話係我嘅伯樂,當年係佢第一個監製搵我拍劇,跟住開始有其他監製搵我,可以話佢令我嘅事業有轉捩點。」


本文鏈接:黃金視窗:愛的替身朱慧敏活受罪