黎耀祥帶挈囝囝拍廣告

黎耀祥昨日出席商場活動，工作不斷的他表示想不到「柴九」效應維持咁耐：「估唔到咁深入民心，仲可以益埋個仔拍廣告，我捱得咁辛苦先有得做，佢一個唔該就做埋，個廣告等佢大個睇番，作為留念，其實都唔想佢參與太多，想佢專心讀書。」此外，祥仔表示好希望惠英紅再攞獎，透露小紅曾答應攞獎會請食飯，故希望今天與她開工拍《巾幗梟雄之義海豪情》時，對方會請食飯。

黃日華教囡囡咪亂放相

黃日華昨日偕太太出席「保良局慈善保齡球賽」，透露19歲的女兒入了理工大學，他笑言囡囡冇拍拖，但有都冇所謂，因自己同太太都係19歲拍拖。問他有冇叫囡囡唔好post啲性感相上網？他說：「我有同佢講，佢同其他人身份唔同，所以無論平時行為、或者影相時啲甫士態度都要小心啲，我諗佢知道邊啲應該放，邊啲唔應該放。」對於早前苗僑偉囡囡畀人登咗啲相，他表示阿苗好激氣，不過搞到咁大，因為嗰個係苗僑偉個女啫！