黎耀祥enjoy歡呼進軍紅館

入行廿五年的黎耀祥早年獲「演唱會之父」張耀榮力邀開演唱會,不過當時他婉拒好意,但自從於紅館為朱咪咪演唱會擔任嘉賓後,他坦言很享受觀眾的歡呼聲。現時張生再向他招手,即時心郁郁想明年舉行演唱會。

「視帝」黎耀祥之前拍《巾幗梟雄》時已經常於幕前大展歌喉,更獲張耀榮邀請他開演唱會,不過當時祥仔婉拒。直至早前他於紅館為朱咪咪演唱會擔任嘉賓,張耀榮及一眾好友再次力邀他明年開演唱會,祥仔坦言心郁郁,因為今年正正是他入行廿五年,絕對是一個紀念性時刻。

黎耀祥坦言若真的開騷就要做到最好,寧願推job增加排練時間。

祥仔坦言若真的開騷就要做到最好,寧願推job增加排練時間。

「冇諗過威力咁大」

祥仔說:「上次張生搵我嗰陣,我諗唔到原因去做。一來我又唔係歌手,二來呢個並唔係我嘅願望,加上如果要我做一個演唱會,要有成二、三十首歌,真係要諗諗用乜嘢形式去包裝。」問到為何此時想試?他不諱言:「之前喺朱咪咪演唱會係四面台,我真係冇諗過紅館威力係咁大,萬幾人圍住歡呼,原來感覺係好high。跟住張生又再同我講,佢叫我得閒嘅就開枱玩吓!自己頓時心郁郁,感覺實在令人回味。」

朱咪咪曾邀黎耀祥任紅館騷嘉賓。

朱咪咪曾邀祥仔任紅館騷嘉賓。

黎耀祥曾扮米高積遜又跳又唱。

祥仔曾扮米高積遜又跳又唱。

扮米高積遜壓力大

祥仔坦言開演唱會不容易,雖然已有多年登台經驗,但他亦會慎重考慮。他笑言:「經歷過上次《保良》扮米高積遜跳舞,真係好大壓力,嗰次真係緊張到瞓唔着,想像唔到嗰種忐忑不安。(張生搵得你就有信心!)佢的確畀咗好多鼓勵我,依家仲要仔細去度度點做。」不過祥仔的工作極多,單是拍無綫劇集已排到出年四月。他坦言若真的開騷,會犧牲搵錢機會。


本文鏈接:黎耀祥enjoy歡呼進軍紅館