龔嘉欣 挑戰

去年可以說是龔嘉欣小豐收的一年,一套套劇排隊上場,更有處境喜劇幾乎晚晚播,當中更憑《我的如意狼君》飾演反叛少女高爾雅一角,而人氣急升。最近在《拳王》中,嘉欣再次與黄浩賢結緣, 於劇中做狐狸精拆散其家庭,比上次去得更盡,難怪她亦笑指:「套劇出街都預計被人鬧爆!」

撰文:v.shek
場地:新滬坊

現代版《我的如意狼君》

眼大大、面細細的龔嘉欣,說話時嬌滴滴,給人一種鄰家女孩的感覺,難怪每次拍劇,總被找去飾演某某妹妹的角色,嘉欣表示:「做細路女角色我唔係介意,講真每個角色都要試,其實我應該開心仲夠年輕可以演這類的角色。」

自從去年推出的《我的如意狼君》,她飾演幼稚兼反叛的女孩,與姊姊爭男人,令觀眾對這小妮子也另眼相看。最近播出的《拳王》中,她更衰到搶人老公,大玩心計害人。「《拳王》係我入行拍過最刺激的劇集,做狐狸精搶人老公,衰過《如意狼君》好多,上次只係自己幼稚,但今次真係用心計去害人,拍了幾激的場面,好像滾落樓梯、被車撞。」

嘉欣更透露,在《拳王》中將會獻出熒幕初吻,「與黄浩然拍了一場kiss戲,第一次拍接吻戲,大家都話《如意狼君》延續到現在,幸好大家熟,默契好好,合作得好舒服。」
雖然嘉欣預計劇集出街後,會被人罵到狗血淋頭,但她仍然很期待。「無所謂,樣樣角色都應該試,唔試唔知做唔做到。」

唔想做佘詩曼

戲內,嘉欣就算幾反叛,幾邪惡都好,大家總覺得是細路女的幼稚行為,但戲外,嘉欣卻否認自己係細路女,「我做事好有計劃,就算日常生活,諗定幾點出門口?幾點做甚麼?反而冇諗過入行之後條路應該點行,哈哈!」

自言很被動的嘉欣,知道很多事情不能強求,上位?真係諗都唔想諗。「真係冇諗過上到甚麼位置,現在已經好好,因為每套劇我都係最細(年紀),好多人錫,我賺了這些開心,冇想過一定要做佘詩曼或雯女(鄧萃雯)。」

至於獎項,去年她雖然成功入圍角逐「飛躍進步女藝員」,但最終卻敗給馬賽,嘉欣表示:「將來當然想得獎,算是給家人的安慰。 由細到大我太自由,屋企人又太無所謂,甚麼都畀我去試,令我做每樣事都係三分鐘熱度,所以希望畀他們知道我唔係玩,真係努力過。」講到前途,嘉欣又真係即時變得成熟不少,「由出來工作開始,我每個月都堅持儲一半薪金,我好鍾意儲錢,唔識投資,或者將來開甜品店,現在唔可以咁多心,或者到30歲後都未遲。」

高調地下情

至於感情,係人都知龔嘉欣男友係鄧健泓,就連去年TVB台慶,男方玩遊戲抽壓軸大獎時,嘉欣被司儀捉出來打氣,但原來這對小情侶仲想繼續玩低調的地下情。「我冇認過!從來冇講佢係我男朋友,哈哈!就算你問佢都唔會認。」

唔係啩?咁都得?唔通這一切都因為公司給予的壓力?嘉欣否認道:「公司冇聲音,只問過我們感情如何?有足夠了解未?大家都當我係細路女。其實我決定一件事係唔會後悔,唔只係講愛情,其他事都一樣,我性格從小已經係咁。」

這兩年事業發展不俗的嘉欣,難免被人比較她與鄧健泓的前程,「佢唔係話差,可能暫時冇唱片公司,但有繼續拍劇之餘,又會做舞台劇,偶然又會與朋友作曲,這些東西只是大家看不到,我覺得勤力、真心付出的人應該有好的成果。」至於兩人將來會否修成正果,嘉欣即表示:「嘩!將來冇人知,呢一刻唔會結婚,這件事太遙遠啦!」說到底,都是一句「事業為重」啦!

龔嘉欣

龔嘉欣

龔嘉欣


本文鏈接:龔嘉欣 挑戰