「第10屆華鼎獎」林峯陳法拉奪視帝視后

第10屆華鼎獎今晚喺澳門威尼斯人劇院舉行,如果大家仲記得的話,今年四月已經香港九展舉行咗第9屆華鼎獎,由謝霆鋒、范冰冰封帝后。半年之嘛,第10屆華鼎獎又嚟喇。半年一屆,下次會否三個月一屆?

摸不著頭腦?原來是咁的,根據報道話,華鼎奬並非按年設屆,而係電影、電視劇、音樂、電視綜藝、明星形象等類別設屆,因此一年會辦幾屆都得。第9屆係(即係香港九展舉行、今年四月嗰屆)係「中國電影滿意度調查發佈盛典」,今晚呢個,係「演藝名人公眾形象滿意度調查發布盛典」。華鼎奬「未來更會與更多世界一流的製作團隊合作,明年落戶美國洛杉磯。」嘩。嘩。嘩。咁一年辦10屆都得喎。

華鼎獎設有人物獎和作品獎兩大類別,涵蓋電影滿意度調查、電視劇滿意度調查同演藝名人公眾形象滿意度調查,自稱代表「老百姓口碑」。首屆於2007年在北京舉辦,咁快就舉行到第10屆,與時間競賽咁喎。有趣在於,呢個頒獎禮,要搵佢嘅提提名單,簡單難過登天,而且複雜,但係就有不少北上發 展港星行紅地氈,好似今晚就有黃秋生、林峯、鍾欣潼、范振峰、李思欣夫婦,思欣更加穿上紅色谷胸裙上陣。就連轉戰大銀幕不久嘅陳法拉,今晚都以綠色deep V,更謂:「第一次參加見到很多同行很開心。」

第十屆華鼎獎─全球演藝名人公眾形象頒獎典禮

同尼古拉斯同台 林峯眼望望 阿嬌變粉絲


同巨星同場,望多幾眼先!


阿嬌見到尼古拉斯想拉埋秋生合照,點知秋生一口拒絕。

林峯西裝骨骨

林峯雖然喺佢班粉絲心目中係「巨星」,但見到真正國際巨星,都忍唔住望多兩眼。

尼古拉斯大晒普通話。

昆頓塔倫天奴都有出席

近期又再走紅嘅林志炫

經常晒背嘅溫碧霞

金像帝后妮歌、尼古拉斯撐華鼎 到者有獎

出席嘉賓不乏荷李活影星,金像影后妮歌已是「鐵腳」,仲有大導演昆頓塔倫天奴、金像影帝尼古拉斯基治、韓國少女時代嘅Jessica、加拿大女歌手Avril Lavigne、《阿凡達》男主角森禾霍頓(Sam Worthington)同英國男星謝洛米艾朗斯(Jeremy Irons),都應邀出席,據知昆頓塔倫天奴將憑電影《Django Unchained》獲華鼎獎全球最佳導演,尼古拉斯基治更將奪「全球最佳電影男演員」,咁女演員方面,如無意外就係妮歌啦。

Avril Lavign接受訪問時話:「不是第一次來澳門,之前來開演唱會,好開心來到亞洲區。」塔倫天奴就謂欣賞李連杰。


好飄逸嘅少時Jessica

女神呀女神


妮歌疑似凸點

身材是亮點,但仍不及其膠面更搶鏡。


《阿凡達》男主角森禾霍頓

大導演昆頓塔倫天奴

尼古拉斯基治

Jeremy Irons……點解個look好似老咗好多咁嘅?

陳法拉林峯 首奪視帝視后

繼續係華鼎獎頒獎禮,今晚以性感低V美絕全場嘅陳法拉,同林峯一齊雙雙殺入華鼎,分別獲得中國最佳電視劇男演員同女演員,兩人均有出席,開開心心攞獎,冇到嘅徐子珊同黎耀祥只能講一聲恭喜晒。林峯受訪時,更直言想去內地發展,否認退出娛圈打理家族生意。頒獎時,大會安排羅嘉良頒獎俾林峯,兩人曾於劇集《流金歲月》飾演丁善本、丁善行兩兄弟。如今兄弟重逢,林峯又話想去內地發展,不如索性向羅嘉良哥哥取經啦。

首度於內地獲封視后視帝,法拉同林峯都話好開心,法拉話:「好開心,呢個獎可能對我以後喺內地發展會好大鼓勵 。」林峯就表示:「今年先開始喺內地發展就攞獎,對我嚟講係好開始。」


YEAH!

溫碧霞吻賀林峯

林峯做視帝,但佢係咪最想要都係TVB嘅視帝呢?