娛樂頂點
解構 3磅巨躉 蔡少芬焗到脾罅生熱痱
770期忽然1周 2010年04月30日
新劇《飛女正傳》雖然被圍插指劇情是港美日韓劇大雜燴，但上周收視平均仍有 27點，首周成績算不俗。劇中分飾兩個身份的蔡少芬，由於食正港女熱，其豬扒造型更熱爆網上討論區。
巨躉造型夠爆笑，但蔡少芬在拍攝時卻對肥中女造型呻到樹葉落，一時說自己超樣衰，一時說巨躉褲焗到爆，令髀罅生熱痱。本刊日前到電視城拆解這條巨躉褲，發現褲內全塞滿厚厚海綿，更足足有 3磅重，大熱天時揹住走都咪話唔惡頂，難怪蔡少芬對它恨到出面。
上周日（ 18日），蔡少芬以《飛女》巨躉 look出席該劇宣傳活動，甫出場即大發嬌嗔對記者說：「好辛苦呀，就快熱死我啦，點解今日唔着『飛女』套衫啫，我寧願扮女超人低胸騷身材，我本身係真材實料嘛！依家要着住條死人褲又要戴假髮，仲要戴眼鏡，我就快焗到髀罅出熱痱啦！」
風騷趷巨躉
上周日，蔡少芬着呢條巨躉褲出席宣傳活動，風騷扭腰趷籮俾記者任影，不過大熱天時揹住密不透風的三磅「假肉」，有苦自己知。
狂抽褲頭
由於條褲有成三磅重，褲入面只靠扣針勾實，極之唔穩陣，所以當蔡少芬玩遊戲時，往往要抽住就甩就甩嘅褲頭。
塞滿海綿
記者揭開巨躉褲內膽，發現入面全塞滿海綿，而外圍則包着肉色尼龍布，密不透風，難怪蔡少芬話焗到暈。
記者將原本放在服裝間的巨躉褲放在磅上，發現條褲重成三磅有多，只用扣針勾實，唔甩褲算好彩。
蔡少芬飛女造型被指抄襲多年前電影《風塵三俠》張曼玉造型，綜觀二人化妝和戴頭箍的造型，又確實幾似。至於陳豪嘅白髮 look整容醫生，就十足似日本卡通片怪醫秦博士，就連陳豪自己亦不避嫌話似。
蔡少芬做飛女嗰陣，心口脹卜卜，「事業線」超長，但失效時，胸部即時縮水，連紋身都會消失。據監製戚其義表示，縮胸用了電腦特技，以製造搞笑效果。
攞命褲焗到暈
蔡少芬口中的「死人褲」，是一條令她由 35-24-34索女慘變成 35-24-45豬扒的巨躉褲。據一位有份拍攝《飛》劇的工作人員透露，蔡少芬曾被這條褲差啲焗到暈，「拍《飛》劇有一半時間係夏天，就算着背心短褲喺條街走兩個圈都辛苦啦，嗰條褲本身又完全唔透氣。 Ada有次喺西環拍一場由飛女變番肥婆嘅吊威吔戲，佢吊住喺上面猛嗌話頂唔順，仲話個頭好暈，叫我哋放佢返落嚟。後尾我哋俾啲冰水佢敷吓隻腳先好啲。」
日前，本刊記者到電視城近距離拆解這條「攞命褲」，發現入面塞滿海綿，厚度足足有三吋。為營造巨躉效果，坐圍還加重料塞滿棉花，難怪密不透風。記者將它放上磅，足有 3磅重。每次出外景拍攝，蔡少芬尤如揹住個活動桑拿室，條褲如浸過水，最後服裝組要額外造多兩條黑色和米色褲讓蔡少芬替換。
網友有彈有讚
《飛女》播映以來，網友就日日追日日上網討論，當中有讚有彈，讚嘅表示盡顯中女心態兼劇情搞笑輕鬆，彈嘅就指該劇集百家大成，度度抄啲。對於劇情被指太誇張，蔡少芬一於少理，更講到明：「無論讚好彈好，最緊要係有 noise！」
讚
彈
讚
彈
讚
彈
「飛女」下周輪流嗒猛男
豬扒蔡少芬巨躉嚇怕男人，但當變身索女後，即成女人天敵，男人恩物。下周蔡雖然被陳豪撞到毀容，她依舊周旋在陳豪、黃德斌和曹永廉之間，就連她自己亦唔知最愛係邊個。值得一提，就係「薯仔」曹永廉發現自己身世後，開始變得陰險奸詐。
第 9集（ 3/5）陳豪撞傷蔡少芬
蔡少芬（巧芝）被陳豪（軒）撞至面部嚴重毀容，陳豪感內疚，對她呵護備至。蔡見自己毀容後的樣貌，想搵男人接吻以回復舊貌，但礙於手腳受傷未能成事，反俾人誤會因創傷後遺症而到處襲擊他人。
第 10集（ 4/5）蔡少芬表錯情
蔡少芬見陳豪對自己千依百順，帶她認識屋企人。蔡在陳豪車上又發現有一枚結婚戒指，認定對方對自己有意，誰知陳豪只視她為普通朋友，蔡少芬一氣之下，獨自到鴨吧洩忿。
第 11集（ 5/5）陳豪狂追飛女
原來陳豪一直對女人有情意結，就係身形一定要係黃金比例，陳拒絕豬扒蔡後，蔡變身飛女打算狂鬧對方一頓，點知陳豪見到索女蔡，驚為天人，誓言要追到手為止。而由細到大暗戀豬扒蔡的曹永廉（暉），就在此時打算向她表白愛意。
第 12集（ 6/5）曹永廉入獄
一直唔知自己身世的曹永廉，被誣衊在公司偷錢，入獄後受盡凌辱，其後得知家姐患癌，姐夫生意失敗，更目睹豬扒蔡接受黃德斌（然）追求，多重打擊下，令他本性逐漸變質。
第 13集（ 7/5）黃德斌嬲爆飛女
黃德斌收到線報捉拿黑幫，豬扒蔡為幫男友，變身飛女到場，黃遇險幸得飛女幫助，但上司怪黃德斌令警隊蒙羞。黃以短訊引飛女會面，但最後飛女冇現身，黃以為她破壞自己計劃，對飛女恨之入骨。