《2013香港小姐競選》海外招募開始 決賽繼續搞全民投票

應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。

上年的一人一票選港姐臨門一腳Down Server,成為2012年全港最大笑話之一,「經手人」余詠珊決定延續神話,今年再次由市民選冠軍,但遊戲方法仍在討論階段,更會有準決賽,她說:「今年會有全新方式,依家仲傾緊,唔方便透露。」

而谷出兩吋事業線的心穎笑言會鼓勵朋友參加,千雪更指會向兩個妺妺落手,她謂:「佢哋高過我、瘦過我,不過要等佢哋讀完書先。」

黃心穎吹「脹」露「線」 朱千雪薦胞妹參選

真係一年容易又港姐,2012年港姐冠軍張名雅、亞軍黃心穎、季軍朱千雪、最上鏡小姐岑杏賢及旅遊大使奬得主湯洛雯,今日喺尖東出席「2013港姐競選」海外招募記者會,非戲劇製作總監余詠珊、非戲劇分部經理衛世輝及監製陳旭亮都有到場,大會透露4月16日至5月4日進行海外招募。

張名雅話參選港姐後改變自己一生,做咗好多冇諗過嘅工作。湯洛雯就話會叫英國同學參選;天氣又熱返,愈戰愈勇嘅黃心穎,今日就立即露「事業線」示人,好鬼性感,心穎又話自己肥咗,要減返6至10磅,但睇相又唔覺佢肥啵,佢仲講笑話要好好珍惜埋呢幾個月。

至於朱千雪就會叫喺溫哥華住嘅妹妹參選:「佢高過我,瘦過我。」追問身材澎唔澎湃?朱千雪話:「OK嘅!」

應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
黃心穎話自己肥咗 ,肥喺邊?
應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
黃心穎愈戰愈勇呀﹗
應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
朱千雪話細妹高過佢同瘦過佢。
應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
張名雅雖然貴為冠軍,但工作量同曝光率似乎唔及亞軍同季軍啵。
應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
記得佢哋嘛?左邊係湯洛雯,右邊係最上鏡小姐岑杏賢。
應屆港姐張名雅、黃心穎、朱千雪、湯洛雯、岑杏賢和無綫非劇戲製作總監余詠珊,到尖沙咀出席《2013香港小姐競選》海外招募記招。
一年容易又港姐了﹗

余詠珊(右三)同應屆港姐大合照。

湯洛雯﹑黃心穎同張名雅

過埋今年,你仲會認得佢嗎?

同埋佢﹗