30歲貪玩人妻梁靖琪（ Toby） 11年底結婚， 12年 9月飛海南島拍《衝上雲霄 II》同吳卓羲泳池肉搏摷攬，有傳 Toby老爺嬲到上門發火扔雜誌。

雖然 35歲黃敏豪（ Aaron）事後亦曾力撐老婆，但原來於半年前、即泳池嬉春後 10個月，黃向 Toby提出離婚，短婚年半，兩人協定暫時不公開。

不過，紙包唔住火，本週一年初四，已搬返娘家的 Toby與家人出外下午茶，記者上前求證離婚消息，父親梁家樹先代女承認婚變半年，經過梁家在餐廳開會近一小時， Toby終於出來剖白︰「係和平分手，已經一段時間。（緋聞搞到離婚？）唔關事。（計贍養費？）咩都唔要！」