通常每有新劇出，總係會傳下劇中主角/演員有病或不和。以前多傳不和，現在就多數話患病，如《神探高倫布》，就有報道話馬賽曾患情緒病、仲兩度想自殺；《金枝慾孽貳》都有爆出如妃鄧萃雯患抑鬱症，現在輪到另一女主角伍詠薇被爆昔日「不光彩」歷史。

今日有報道指，現年44歲的伍姑娘，89年在富商男友、會計師事務所高級合夥人翁江培鼓勵下參選亞姐、奪得最上鏡小姐而入行；翌年，21歲的伍姑娘同比她年長30載的翁江培結婚，婚後13日翁因為心肌梗塞猝逝。當時有指翁江培留下1.7億遺產給伍姑娘，但官司擾攘多時，最後只得9百萬左右。

伍姑娘這段往事，已曾多次提及，不過，原來伍姑娘喪夫後，曾有一名有婦之夫向她展開追求。報道指，當時伍姑娘芳心寂寞，於是不計較名份、同這位人夫交往4年。最後當然是伍姑娘單方面提出分手，更相約對方太太見面、斟茶認錯，自認少不更事，請求原諒。戲劇性地，這位阿太又原諒伍姑娘，還做了好朋友。

報道又指，伍姑娘曾承認14歲那時因性格反叛，離家出走，更試過吸食大麻。「當時邊個唔隊草？吸完會好肚餓，又會不停笑。試過有次清醒之後，發現自己瞓喺一男一女中間，好彩冇嘢發生過。」故事發展當然係修成正果，98年由黎姿介紹下認識練海棠，拍拖7個月即閃婚，多年來一直恩愛，感情際遇比伍姑娘飾演嘅淳妃幸福得多。

3週刊 第708期：婚後13日夫猝死似足《金枝貳》 自爆吸大麻 搞人老公向大婆認錯 伍詠薇：邊個唔想各有各玩

伍姑娘23年前泳照曝光

伍姑娘，係咪想儲番呢張相呢？

嘩

當年同屆亞姐，你認得幾多個？當年冠軍係翁虹、亞軍萬綺雯，季軍趙靜儀，最上鏡小姐係伍詠薇。

21歲同比自己年長卅載嘅翁江培結婚，惜男方婚後13日猝逝。