3週刊 第709期

近年娛樂圈掀起一片「北上搵人仔熱」，不少當家小生花旦都紛紛北上，將於本月尾約滿的陳法拉，雖然一直備受TVB重視，當家花旦之位穩如泰山，但幾經考慮下亦決定不再與TVB續簽經理人合約。

據了解，陳法拉雖然不再續簽經理人合約，但仍會「飲水思源」改簽部頭合約，除了有權選擇自己喜歡的劇集拍摄外，更可以自行北上接劇。據知國內不少大型經理人公司都對法拉甚有興趣，當中以華誼兄弟最有誠意，已先後多次接觸法拉，雙方合作機會非常高，只欠法拉大筆一揮，就可以正式揮軍北上揾人仔。

自從法拉05年參選《國際華裔小姐》(《國際中華小姐》前身）而簽約TVB，一直備受TVB重視，雙方關係尚算良好，只是近年一片「北上熱」之下，法拉不再與TVB續約，決定北上尋金。

4萬一集留法拉

雖然法拉簽約TVB八年來關係一直良好，就算與男友、Neway大少薛世恒地下情曝光，甚至有傳二人已在美國秘密結婚，仍然沒有影響TVB力捧法拉的計的劃，只是法拉與男友感情越來越穩定，TVB排山倒海的工作量令男友對法拉頗有微言，而法拉亦不想再日以繼夜，夜以繼日的不停拍劇，遂決定不再與TVB續簽經理人合約，與TVB改簽部頭合約。

「其實法拉同薛大少呢幾年感情好穩定，只不過近年法拉拍劇拍到天昏地暗，每次拍劇就幾個月連拍拖時間都冇，加上錢又揾得唔多，所以法拉同男友商量過之後，都決定唔再續簽TVB，但TVB始终對法拉有提攜之恩，所以法拉會改簽4萬一集部頭約，一年至少拍一套劇，而且晤可以去香港其他電視台。」知情人士表示。

華誼兄弟誠意高

除了因為拍TVB劇辛苦外，另一個不續約的原因，是法拉眼見其他花旦例如佘詩曼、廖碧兒等都北上拍劇，拍一套等如香港拍五套，因此亦希望可以北上拍劇搵人仔。「雖然法拉有個有錢男友，但她一向都唔鍾意使男友錢，就算結咗婚，兩個財政都係獨立，而且法拉喺大陸都有價有市，好多大陸經理人公司知道法拉唔簽TVB之後，都即時揾中間人同法拉聯絡，希望可以收歸旗下打大陸市場，當中以華誼兄弟最有誠意，直頭搵個話得事嘅高層嚟香港同法拉傾，初步大家睇法都幾一致，雙方合作機會好大。」知情者表示。

對於不再與TVB續約，法拉一直三緘其口，只表示希望可以用新形式合作，及希望可以回美國進修。她说：「其實都傾得幾順利，希望用新形式合作，因為份約係選美嗰陣簽。未知會唔會轉部頭，我入行之後就一路拍劇，都未休息過，要諗吓下一步應該點行，有時間就順便去美國進修。」