久休復出 袁潔瑩掃衫拍《Aerobic Girls 舞室保衛戰》

3週刊 第715期

自從2002年同肥姐(沈殿霞)拍完劇集《我要fit一fit》後,袁潔瑩(Fennie)到依家已經成10年冇拍過無綫劇。好姨收到風,由曾志偉監製的新劇《Aerobic Girls》,參考韓國電影《陽光姊妹淘》,講一班中學好姊妹25年後重遇的故事。除有李麗珍、陳雅倫、葉蘊儀、張慧儀、江欣燕同陳慧珊之外,原來仲有Fennie。

上週四(13日),Fennie出現金鐘名店掃貨,雖然佢戴住墨鏡但睇精神唔錯。見佢主攻外套,無論顏色深淺定係長短褸款,都試。揀近半個鐘,Fennie埋單走人,出門口時見佢拎住個大紙袋,睇收獲好豐富。

之後,佢落一層睇護品,向來護膚有道佢試幾樣產品,又同售貨員交流意見。試得當然會買啦,Fennie掃四、五樣,返屋企可以慢慢研究。Fennie離開時好姨問佢又掃衫又掃化妝品,係咪為新劇而買。佢反應非常愕然,然後禮貌咁回應話:「換季嘛,梗係要買定衫,你唔好諗咁多啦!」之後好姨繼續問佢拍新劇事,最後Fennie大賣關子話:「遲你咪知囉!」《AG》演員名單已經定晒,亦好多人都知,其實使乜咁秘密!

袁潔瑩《Aerobic Girls 舞室保衛戰》