3週刊 第721期

曾和鄭嘉穎傳緋聞的09年華姐冠軍苟芸慧，自從被傳介入「富黛戀」，成為二人分手導火線，一直飽受小三之名，誰知近日爆出城城另有新歡葉熙祺，攻城失敗，近日又被傳介入梁烈唯與女友Tina之間，隨即壓力爆煲，更導致內分泌失調而身形暴脹，高峰期更直遇150磅關口，由索爆華姐慘變「肥苟」，更因暴肥而被飛出纖體廣吿，由陳煒冷手執個熱煎堆成為代言人。

苟姑娘出盡法寶都要回愎苗條身材，試過食減肥餐單、戒澱粉質、做gym做瑜伽，甚至做機通淋巴，磅數都只能減得個位數，而且磅數極速反彈，更因減肥壓力而令她出现失眠，陷入崩潰邊緣的她，近日改為睇中醫，從調理身體著手，希望幫她去水腫、修身及平定情緒，吿別肥苟生涯。

早前苟芸慧出席活動時透露，希望抽時間做身體檢查，「成日都覺得自己唔舒服，好容易瘀同水腫，已經睇緊中醫，皮膚同水腫都有改善。」

苟芸慧一向在外國生活，09年當上華姐冠軍才回港發展，而當時有115磅的她，已是屬於偏肥的體質，其後在無綫拍劇，日以繼夜開工，壓力甚大，令她出現內分泌失調及水腫，體重一度暴升至150磅，公司雖然下令她減肥，但她試過很多種減肥方法，包括不同的減肥餐單、戒澱粉質，同時又去做gym做瑜伽，更試過每朝6點起身拉筋，可惜減肥成績只是一般。

減肥失敗的苟芸慧，近日更因身材走樣而被飛出纖體廣告。見財化水，只得博命減肥，希望收復失地，可惜欲速不達，現時磅數還是徘徊在130至140磅之間，更令她身體出現副作用，女性生理週期紊亂，又因過度緊張而失眠。

苟芸慧自從和港男男友羅天宇分手後，緋聞男友隨即接踵而至，先是和鄭嘉穎在《怒火街頭2》合作時，二人一吻定情，繼而傳出緋聞，可惜嘉穎長年在內地拍劇，關係不了了之。至和城城合作電訊廣告，便傳出二人暗暗撻着，更成為城城和女友熊黛林分手的導火線，可惜城城這個筍盤非常槍手，大把索女名模輪住攻城，最後內地歌手葉熙祺被拍得在城城寓所留宿，成功搶去苟芸慧的城嫂地位，不過日前城城出席活動時，卻極力否認緋聞，更表示：「我分手後一直處於單身狀態，也十分享受如今一個人的生活。」兩女爭完一輪之後，原來只是自作多情。

唯唯王君馨力撐

對於苟芸慧睇中醫，梁烈唯回覆時話未聽過，「冇聽過佢有睇中醫，（佢減肥失敗有啲抑鬱？）冇，佢好開心。（你哋之前傳出緋聞？）傳緋聞使乜驚呀？傳我最好，全世界都知係假啦。」

但王君馨就坦白說：「知道佢有睇緊中醫去調理身體，大家都俾咗好多意見佢，有啲叫佢gym，有啲叫佢排毒，最緊要揾啱自己方法，佢都好努力減肥，見佢食得好少。不過有啲人嘅身體，飲杯水都會肥，個個人都唔同，而且中醫亦都會比較慢，為佢祈禱。都有聽人講佢病咗，我諗都係傷風感冒啦。」而苟芸慧另一好友岑麗香亦說：「好耐冇見啦，自己都忙緊拍《貓屎媽媽》，但我都會為佢身體祈禱嘅。」本刊亦多次致電苟芸慧，但截稿前仍未獲回覆。