3週刊 第736期
宅男女神馬賽，近日被拍得和內地女製片、郭可盈的前經理人汪子琦，在上海密會纏綿，街頭火辣攬啜，令馬賽BB的性向成謎。其實圈中不少藝人，感情生活七國咁亂外，亦惹來不少同性的追求者，男追男、女追女的攣情比比皆是，而且追求時出手闊綽，往往不惜一擲萬金，送豪宅、名鑽作為禮物，而藝人面對米飯班主，睇錢份上，就算未有特殊癖好，亦會假意逢迎。
城中有一華裔男富商，對男藝人情有獨鍾，先後包養過四位猛男，讓他們過上夢寐以求的生活，部分更忽然富貴，有車又有樓。不過，這位富豪雖然只要覓得心頭好，從不計較金錢，但他對獵物質素卻非常挑剔揀擇，透過中間人邀請男星上遊艇，要求對方上船睇辦，揀心水才會出錢包養，而未獲寵幸的男藝人亦會獲得可觀的彈鐘費，加上不是馨香事，男星之間也會秘而不宣，讓該男富豪可以繼續風流快活。
圈中藝人表面風光，背後其實有不少辛酸血淚，尤其是初出道的藝人，往往會成為富豪獵物，而且「男玩男，女玩女」的攣情，更是圈中半公開的秘密。繼無小花馬賽，被揭破和內地女製片汪子琦於上海街頭攬啜後，其實圈中亦有四位男星，亦先後成為一名富豪的男寵，而他們本身是正常男子漢，但為金錢只得折腰逢迎，出賣色相。
據知，有名生意瓣數甚多的華裔「A富豪」，雖然已婚及育有子女，但大把錢使唔晒的他卻口味獨特，居然玩男女通殺。其實一直以來，「A富豪」多錢又多女，飛來蜢的女友多如天上繁星，但可能因為玩女太多反而生厭，約於十多年前他開始玩包養男星的新遊戲，「佢都奄尖揀擇，重玩得非常小心，不過佢好得意，佢又唔係鍾意明係gay隻，而係鍾意man man、鍾意女人男星，佢就通常透過中間人打探佢睇中男星有冇意思，如果對方都想，就會經中間人約個男星上船，出海同佢慢慢傾。男星個樣啱唔啱佢胃口就梗係緊要，但佢都要睇埋人個body……畫公仔唔使畫出腸，你明啦……」有知情者向本刊爆料說。
「斯文小生」馴如羔羊
「A富豪」早年包養的是「斯文小生」。當年「斯文小生」入行不久，先後拍過電視劇及電影。「斯文小生」在「A富豪」面前扮到溫柔體貼，馴如小羔羊，本來都前途似錦，可惜他衰大口，四圍唱有「A富豪」撐腰，結果「A富豪」得悉後嬲到震，馬上踢他出局；其後「A富豪」睇中「型男L」，對方一身結實肌肉，令他極之暈浪，不過「型男L」鍾意女人，都係為錢跟「A富豪」交往，與此同時「A富豪」因為家庭壓力，務必要開枝散葉，搵老婆生兒育女繼後香燈，所以他最終都要與「型男L」分開，轉娶妻生B。
「A富豪」揀結婚對象，當然都要佢like，新婚燕爾時，兩人都幾恩愛，但過了一段時間，他又故態復萌欲包養男星，亦一如以往搵中間人請獵中男星上船睇辦。「A富豪」婚後再吼中的是男人味四射的「肌肉男星」，「肌肉男星」是出了名的玩女專家，但其手法低調兼乾淨俐落，o氹女又一流，所以從無手尾跟，「嗰時富豪同『肌肉男星』都幾癡纏，雖然『肌肉男星』堅鍾意女人，但好奇怪，佢同富豪耐咗，又好似真係培養咗啲感情，早排富豪識咗第二個，冇同佢一齊，『肌肉男星』竟然down晒，晚晚自隊，又同女仔搞到關係亂晒龍，有意無意激富豪，點知人冇反應，真係陰功。不過富豪之前冇待薄佢，又樓又車又cash，成幾千萬！」該知情者續說。
「W男星」女友大受打擊
「A富豪」對「肌肉男星」情感冷卻，原來係有「小三」殺出，但其身份又係令人始料不及。「小三」是圈中人氣猛男W，而且有一名固定女友，不過「W男星」出身平凡，入行後事業穩步上揚，雖然其收入直線上升，但錢的萬誘引力太大，所以他被「A富豪」吼中入宮，結果「W男星」都係難敵魔鬼，瞞著女友偷偷被包養，奈何紙不包住火，女友知道後大受刺激，即時反面掟煲。好彩「A富豪」對他異常寵幸，不停送他豐厚零用錢，要車有車、要樓有樓，「W男星」要做從商，「A富豪」也樂於打本，在背後無上限支持。至於「A富豪」的正印自知難綁老公，只要老公識每晚返歸，亦無謂過問，一於隻眼開隻眼閉。
袁彌明：圈中好多雙性戀
本刊致電袁彌明，詢問圈中同性及雙性戀普及，她即回應：「其實香港超過一成人都係雙性或者同性戀，而圈中特別多，尤其是從事創作，設計藝術相對多，但乜戀都冇所謂，最緊要肯面對，唔好孭住包袱做人，好多人都出櫃，好似黃耀明、何韻詩，梁奕倫都同我講出咗櫃個人開心咗，做人要光明磊落，如果承認對身體負擔冇咁大。」
黃宗澤 ：嘩……真係未聽過喎，係就好，你有冇得介紹俾我先……哈哈！講真，真係未聽過，亦冇人搵過我，可能我唔夠大隻，不過就算有我都接受唔到囉，咁肉酸，點做呀！
蕭正楠：有咁事？我真係好好彩，入行咁多年都冇人搵過我做呢，可能我外表比較陽光氣，我唔係佢杯茶啦，不過就算搵我佢都一定會好失望，因為我係百分百男人，搵我一定唔會成功。
馬國明：我好似曾經聽人講過，但我唔肯定，因為我唔夠八卦，但咁耐真係冇收過呢啲電話，可能我唔夠靚仔，有都唔搵我啦。不過呢啲就……唔搵好過搵喇，我就自問冇本事賺呢啲錢！
白健恩：我完全無聽過，就算請我都唔會上船，我會暈船浪。除選港男，我平時都唔著泳褲，只著boxer。要我除晒俾人睇真係多多錢都唔會，太無尊嚴喇！有錢都唔係大晒！
林子善：嘩……我都想有人搵我上船呀，上船過大海賭錢就有，有冇門路介紹俾細佬我好喎……哈哈！認真講，冇聽過亦冇人搵過我，要搵都搵高大靚仔，點排都輪唔到我啦！
「肌肉男星」
「肌肉男星」憑住煞食外型，歷年來食女無數。「肌肉男星」有樣有body，「A富豪」一見佢就流晒口水，自從他用銀彈打動對方後，兩個男人撻著後竟出奇地key，「A富豪」私下過唔少錢對方使。據聞「肌肉男星」搞搞都對「A富豪」擦出真感情，只是後來「A富豪」見異思遷，「肌肉男星」都真係好hurt，晚晚匿埋私竇隊酒，冇耐佢重同幾個女仔亂搞關係，諗住自毀引對方注意，點知「A富豪」話撇就撇，家陣「肌肉男星」都好似未回魂，重係short short。
「W男星」
「A富豪」就係因為睇中「W男星」，「A富豪」先將「肌肉男星」掟入雪櫃。雖則「W男星」都算當紮，但實際搵錢不多，而且佢都係滾友一名，即使有固定女友，佢都不斷沙沙滾。後來佢俾「A富豪」揀中，本身冇乜銀佢決定同魔鬼交易，但事件最終穿煲，令女友大受打擊。現時「W男星」疊埋心水服侍「A富豪」，而「A富豪」對佢如珠如寶，任佢fing錢，對佢都算係咁啦。
「斯文小生」
外表四正的「斯文小生」10多年前入行後，分別涉足電影及電視，但反應麻麻，又因沉溺杯中物經常飲醉四圍揚獲「A富豪」撐腰，最後被飛收場，亦是云云「A富豪」獵物中最冇錢落袋的一個。
「型男L」
「型男L」墨水有限，份人就冇乜內涵，但他在圈中吃得開，加上靚仔有型有肌肉，湊客同女又有一手，令人相當嗒糖。其實「型男L」搵到剩到，只係萬惡金錢冇人嫌多，出晒名係大花筒型男L繼續fing，賭波賭馬大大殺起，結果賭到連女友都頂唔順，走都走唔切。
社會女強男弱 催化雙性戀
近年不少藝人、名人都出櫃，或被發現有雙性戀傾向。對於近年社會上似乎多了雙性戀個案，臨床身心行為學家李寶能表示：「基本原因係男人越來越弱，女人越來越強，男女都唔能夠互相滿足，但又需要一個伴侶，所以會出現雙性戀。比較城市化、男女平等地方因男女差別唔大，較易出現呢個情況。雙性戀未必係有性愛，主要係感情方面。輕微者追求感情寄托，著緊比較要好同性密友，但又比一般朋友專注較多。至於雙性戀者偏向愛男或女，就視乎佢當時對象同感受，其實係無特定！」