度過44歲生日的莫文蔚（Karen），與德國籍老公Johannes結婚三年，Karen一度表示老公已是三子女之父，沒有打算再增添新成員。不過有指三年來，Karen呢位潮繼母，有傳因與老公三個仔女尚未培養出深厚感情，加上年紀去到咁上下，母性大發，Karen忽然180度大轉變，趕尾車想升呢做媽咪。

據指Karen的生仔計劃實行得十分倉猝，於五月底內地常州開完尾場個唱後即時宣布放長假，復工時間待定，內地一連串工作被迫緊急煞車，連本來獲邀做大騷《中國好聲音》導師都有可能撻Q，連豐厚收入都唔要，媽媽真偉大。

Karen於2011年意大利同德國籍初戀男友Johannes結婚，三年來夫妻二人雖然溫馨甜蜜，惜老公長居英國，致聚少離多。是以Karen每憑有空檔即飛往英國探望老公及其三個兒女，順便過過「媽咪癮」。

本來一家五口生活過得無憂無慮，Karen亦從來沒想過要做媽咪，在結婚時Karen曾表示老公與前妻已有三個子女，作為繼母已經足夠。不過大多數女性天生便有「媽咪狂」的基因，到時到候便會發作。Karen近日被傳媒拍到秘密去中環睇婦科醫生，而該醫生乃是著名的「婦科聖手」，其客人十居其九均是孕婦，當日Karen去睇醫生顯得神神秘秘，令人懷疑Karen有喜。

生B有法

Karen事後否認已懷孕，不過據知Karen當日去睇醫生，雖然並未懷孕，不過亦不是做「一般」的身體檢查。據Karen身邊好友指：「佢係去睇婦科醫生，不過唔係有咗，而係想有，所以去睇醫生，檢查好身體，希望可以喺最fit嘅狀態做準媽咪。」

為力求能以最佳狀態造人，Karen於五月底在內地常州舉行演唱會的尾場時表示，未來會放一個悠長假期，即指Karen在未來一段長時間不會工作，專心養好身體。Karen好友道：「不過佢依然有啲擔心，始終年紀都有番咁上下，所以嗰次去睇醫生，就係去徵詢醫生意見，睇吓接受人工受孕係咪會安全啲。」

其好友並指，Karen正向醫生查詢應採用「體外養卵」或「多卵法」增加生育機會。

「體外養卵」方法，意指女性身上取出一粒未成熟卵子，並於實驗室「養大」，待授精後再植回女方子宮，增加懷孕機會。而「多卵法」則需要每月打「排卵針」催谷卵子，增加女性的排卵數目，變相提高生女機會。不過此舉亦有一定風險，有機會令女性排卵過多，令卵巢發大及流血，若積水流入腹腔，對孕婦身體亦有影響。

忽然停工

Karen尚未定如何增加懷孕機會，但已立定決心定下「放假」大計，雖然啱啱喺大陸開完巡迴演唱會，但Karen的工作依然排山倒海，不過為要圓當媽咪夢，亦有可能要放棄餘下的工作。Karen於五月底在內地常州開完尾場個唱後，忽然宣佈放長假，餘下一整年的工作隨時要腰斬。

於中、港、台紅極一時的音樂節目《中國好聲音》，一向出手闊綽，早前曾爆出《好聲音》以三千萬酬金邀劉德華任導師，不過最後因檔期問題而無法出席。不過《好聲音》仍然主力尋找重量級歌手上場，有指《好聲音》出手一千萬力邀Karen任導師，以填補庾澄慶缺席的位置，如此重金禮聘招手，Karen亦未必動搖其當媽媽決心，故至今仍未表態會否參與，為了陀B而放棄掘金機會，Karen呢位準媽媽真係用心良苦。