N次「變臉」 傅穎:微整形都OK!

自從cookie四餅各散東西之後,鄧麗欣同傅穎(Theresa)都返內地發展,其中鄧麗欣拍住男友方力申拍劇又登台,頓時變富婆。惜有宅男粉絲的傅穎就比鄧麗欣星途遜色,而且近日她因簡體字及繁體字問題惹來一班網民抨擊,人氣迅速急跌。為保持曝光率,現時傅穎幾乎每隔一段時間都會返香港探親,不過每次都「認唔到人」。早前記者拍到傅穎與女友人掃貨,素顏上陣的她鼻子變得更加筆直,對眼又好似特別「戚」,下巴的「蝦餃仔」又變大了,包包面亦失消得無影無蹤,她更表示唔抗拒整容,仲話「自己微整形都OK。」

傅穎近年大多時間都留在內地拍劇,可能因此習慣了用簡體字,不過就因為咁惹來一班網民抨擊她為了發展連自己的文化也不堅持,爆發中港矛盾!另外最近返港的她繼續「變面」,膠樣愈來愈利害!

N次變臉 傅穎「微整形都OK。」

中港現矛盾

最近Theresa因在網上留言惹來抨擊,不知是否因她近年大多時間都留在內地拍劇,因此近來在Instagram皆以簡體字留言,結果被網民批評:「返大陸發展呀嘛,緊(梗)係要迎合大陸人,最好呢世都唔好寫繁體啦!為咗發展連自己既(嘅)文化都可以唔堅持,做人仲有咩原則可言?」即時演變成中港矛盾。不甘示弱的Theresa即以簡體字留言回應:「寫簡體字又如何?繁體字又如何?都是大家能看得懂的字。我一直以來都是用手寫模式的,既然學會了簡體字,寫簡體字方便多了,為甚麼要把自己局限,一定要寫繁體字呢?真不懂!」她又無奈地說:「我由細到大都係睇媽咪寫簡體字,自己就近年先學識,所以有時會打簡體,有時會打繁體,唔會刻意話唔用邊種寫法,真係唔明點解好似好大件事咁!」

N次變臉 傅穎「微整形都OK。」

開刀有風險

不過Theresa的執著只在簡體字或繁體字上,外貌方面她竟然可以接受微整形!早前記者拍到Theresa在節日前返港shopping,當日素顏上陣的她與女友人行街,起初她戴住黑超掃貨時,已經驚見她鼻樑愈來愈筆直,之後她除下眼鏡再發現她對眼又好似特別「戚」,下巴的「蝦餃仔」又變大了,而且包包面亦變得又尖又小,似乎樣子愈來愈「膠」同變得太「公仔」!雖然傅穎曾回應被指整容,謂:「你哋(記者)任摸,我都知自己唔滿意下巴,太平喇。」是否抗拒整容?傅穎就表示唔抗拒大家整容,她說:「自己微整形都OK,但就驚打針無表情點做戲,開刀太有風險。」